Shymkent qalasynyń ákimi Murat Áıtenov turǵyndardy jeke máseleleri boıynsha onlaın formatta qabyldady. Qabyldaýǵa jazylǵan shahardyń turǵyndary ózderin mazalaıtyn máselelerin ortaǵa saldy, - dep habarlaıdy Egemen.kz.
Qabyldaýǵa kelgen Ál-Farabı aýdanynyń turǵyny Baný Kópbaeva №8 mektep mańynda zańsyz qurylys jumystary júrgizilip, turǵyndar men oqýshylarǵa qolaısyzdyq tanytyp jatqanyn aıtty. Qabyldaýǵa kelgen Ál-Farabı aýdanynyń turǵyny Baný Kópbaeva №8 mektep mańynda zańsyz qurylys jumystary júrgizilip, turǵyndar men oqýshylarǵa qolaısyzdyq tanytyp jatqanyn aıtty.
"Men bul jaıtqa qanyqpyn. Aýdan ákimimen ótken aptada atalǵan mekenjaıǵa baryp, máselemen tanysqan bolatynmyn. Qazirgi tańda jerdi qala qajettiligi úshin memlekettik menshikke qaıtarý jóninde qaýly shyǵardym. Osyǵan sáıkes, alańdaýǵa negiz joq. Qurylystyń toqtaýyn óz baqylaýyma alǵanmyn", - dedi qala ákimi Murat Áıtenov.
Budan ózge qabyldaýda turǵyndar negizinen turǵyn úı jáne oıyn alańshalary jóninde másele qozǵady. Máselen, Ál-Farabı aýdany «Sport» shaǵyn aýdanynyń turǵyny Danagúl Qoblanova úıiniń apatty jaǵdaıda ekenin aıtyp, kómek kórsetýin surady.
Qala ákimi zańǵa sáıkes memlekettik lısenzııasy bar jobalaý uıymynyń tehnıkalyq qortyndysyn jáne jergilikti ýákiletti organnyń anyqtamasyn usyný arqyly turǵyn úı kezegine turý qajettigin aıtty. Baspananyń kezek boıynsha beriletinin jáne jańa páter alǵan jaǵdaıda apatty dep tanylǵan úıdi kommýnaldyq menshikke ótkizý qajettigin atap ótti.
Azamattardyń árbir saýalyn muqııat tyńdaǵan shahar basshysy tıisti basqarma basshylaryna sol sátte tapsyrma berip, máselelerdiń zań sheńberinde sheshimin tabatynyn jetkizdi.