Turan jáne Uly Dala dańǵyldarynyń qıylysynda 10 qyrkúıekten 10 qazanǵa deıin qozǵalysty tolyqtaı jabý josparlanǵan, dep habarlaıdy Egemen.kz ákimdiktiń baspasóz qyzmetine silteme jasap.
Saıttaǵy málimetterge qaraǵanda, 27 kóshede (Uly Dala) Turan dańǵylynan Sh.Beısekova kóshesine deıingi ýchaskede magıstraldy jańbyr sýyna arnalǵan káriz kollektoryn ornatý jumystary júrgiziledi. Jumystar káriz júıesiniń durys jumysyn qamtamasyz etý, negizgi kóshelerdi sý basýdyń aldyn alý maqsatynda júrgiziledi. Osyǵan baılanysty 10 qyrkúıekten 10 qazanǵa deıin Turan jáne Uly Dala dańǵyldarynyń qıylysynda kólik qozǵalysyn tolyǵymen jabý josparlanyp otyr.
"Elorda turǵyndary men qonaqtary qala joldarynda keptelis týdyrmas úshin ózderiniń júretin baǵyttaryn aldyn ala josparlaýy qajet. Keltirilgen qolaısyzdyqtar úshin keshirim suraımyz jáne jóndeý jumystary júrgizilýine túsinistikpen qaraýdy suraımyz", – dep atap ótti Kólik jáne jol-kólik ınfraqurylymyn damytý basqarmasynyń ókilderi.