Elordada "Han Shatyr" saýda oıyn-saýyq ortalyǵynyń janynda Túrkistan jáne Almaty oblystary ákimdiginiń uıymdastyrýymen aýyl sharýashylyǵy ónimderiniń jármeńkesi bastaldy, dep habarlaıdy Egemen.kz.
Nur-Sultanda aýyl sharýashylyǵy jármeńkeleri bastaldy, barlyq sanıtarlyq normalar saqtalady. Jármeńkeler ár demalys saıyn ótedi. Búgin Túrkistan jáne Almaty oblystary 800 tonnadan astam ónim ákeldi. Atap aıtsaq: et, sút, balyq ónimderi, kókónister, jemister, konserviler jáne t.b. Uıymdastyrýshylardyń aıtýynsha, taýarlardyń baǵasy naryqtyq baǵadan 15-20% tómen.
"Mundaı aýyl sharýashylyǵy jármeńkelerin ótkizý áleýmettik mańyzy bar ónimderdi tómendetilgen baǵamen satýǵa múmkindik beredi. Qala turǵyndary tarapynan suranys bar. Mundaı jármeńkelerdi ár demalys saıyn ótkizetin bolamyz. Sondaı-aq, áleýmettik mańyzy bar taýarlardyń baǵasyn ustap turý úshin saýda jelilerin jeńildikpen nesıeleý boıynsha jumystar júrgizildi. Bul 16 túrli ónimniń baǵasyn saqtap turýǵa múmkindik beredi. "Aınalym tetigi" jobasyna birqatar iri saýda jelileri men bazarlar qatysady. Olar tonna ónim satyp alý úshin, biz olarǵa qarajat bólemiz. Budan basqa, turaqtandyrý qory quryldy.
Karantın kezinde qatań sanıtarlyq normalardy saqtaý kerek ekenin este ustaǵan jón: maska taǵý, qoldy antıseptıkpen óńdeý jáne qashyqtyqty saqtaý. Jármeńke aýmaǵynda qashyqtyqty saqtaý úshin syzyqtar syzyldy, adamdar aǵyny shektelip, jármeńkege bir baǵyttan kirip, ekinshi baǵyttan shyǵý qarastyrylǵan.
Aýyl sharýashylyǵy jármeńkelerine qatysqany úshin oblystardaǵy áriptesterime alǵysymdy bildiremin", – dedi elorda ákimi Altaı Kólginov.
Qala turǵyndary aýyl sharýashylyq jármeńkelerin ótkizýdiń mańyzdy ekenin atap ótti.
"О́tken kúzde qalada jármeńkeler ótkizilip, Qazaqstannyń barlyq oblystary keldi. Men ózim turaqty kelemin. Bul jerden árqashan jańa ónimdi naryqtyq baǵadan tómen baǵamen satyp ala alasyz", - dedi qala turǵyny Elena.
12 jáne 13 qyrkúıekte jármeńkege Batys Qazaqstan jáne Jambyl oblystary óz ónimderin ákeledi.