Áleýmettik jelilerde taraǵan Atyraýda balalar arasynda jedel ishek aýrýy, dıareıa kóbeıdi delingen aqparat shyndyqqa janaspaıdy, dep habarlaıdy Egemen.kz Atyraý oblystyq densaýlyq saqtaý basqarmasynyń baspasóz qyzmetine silteme jasap.
Qazirgi ýaqytta eldegi pandemııa jaǵdaıyna baılanysty №2 Atyraý oblystyq aýrýhanasy "COVID-19" juqtyrǵan naýqastardy ǵana emdeıdi. Atalǵan aýrýhanadaǵy "Juqpaly aýrýmen aýyratyn balalar" bólimshesi ýaqytsha Atyraý oblystyq balalar aýrýhanasyna epıdemıologııalyq stasıonar retinde aýystyryldy.Sol sebepti ınfeksııalyq juqpamen aýyryp kelgen balalardy Atyraý oblystyq balalar aýrýhanasy qabyldaýda.Atyraý oblystyq balalar aýrýhanasynyń bas dárigeri Nurqabyl Aıtmuhanbetovtyń aıtýynsha, bıylǵy jyldyń 1 tamyzynan 4 qyrkúıekke deıingi aralyqta oblystyq balalar aýrýhanasynan 62 naýqas emdelip shyqqan.
"О́tken jylda dál osy kezeńde juqpaly aýrýmen 208 naýqas qabyldanǵan. Bıylǵy jyly 146 naýqasqa tómen. Áleýmettik jelide balalar arasynda dıareıa tarady degen aqparat jalǵan", - dedi oblystyq balalar aýrýhanasynyń bas dárigeri Nurqabyl Aıtmuhanbetov.