Túrkııa men Grekııa arasyndaǵy Jerorta teńizine qatysty kıkiljiń údeı tústi. Keshe túrik prezıdenti kórshilerine aımaqtyń ahýalyn talqylaýǵa kirisetinin nemese jaǵdaıdyń saldary bolatynyn eskertti.
«Olar ne saıasat tili men dıplomatııany túsinip, mámilege keledi, ne saldary bolatyn tájirıbege tap bolady», dedi Rejep Taııp Erdoǵan Ystanbuldaǵy jańa aýrýhananyń ashylý saltanatynda.
NATO-ǵa múshe eki memlekettiń arasyndaǵy daý eki apta buryn bastalǵan-dy. Túrkııa energııa kózin izdep Jerorta teńizin zertteýge kiristi, al Grekııa Túrkııanyń bas suqqan aımaǵy ózderiniń jeri ekenin aıtyp, qarsylyq tanytty. Bul aıypty Kıpr memleketi de taǵyp otyr. Olar Túrkııany ózderiniń «sýyna» aralasyp, zaıyrlylyǵyna nuqsan keltirdi deıdi. Ár el teńiz kúshterin saılap, aımaqtaǵy ahýaldy retteýge daıyndalý ústinde.
Túrkııa prezıdenti bolsa «Olar bul jónsiz kartalar men qujattardy joq etýge Túrkııanyń ekonomıkalyq, saıası kúshi qaýqarly ekenin túsinbek», dedi. Sonymen qatar eliniń barlyq múmkindik pen nátıjege daıar ekenin málimdedi.
NATO bolsa eki el basshylary osy aptada kezdesip, aımaqta shıelenis týǵyzbas úshin dıalogqa keletinin málimdedi. Biraq Grekııa oǵan kelispegenin, nátıjesinde, Túrkııa Eýropa odaǵyndaǵy el dıalogtan qashyp otyr degen aıyp taqqanyn habarlady.
Túrkııa prezıdentiniń sózderi ras bolsa kerek. Memlekettiń bas gazetteriniń biri Cumhuriyet basylymy Túrkııa Sırııadaǵy qarýly kúshin eldiń batysyndaǵy shekaradaǵy qala Edırnege baǵyttaǵanyn jazady. BAQ Edırnege 40 tanktyń ótkenin habarlady. Al jaýapty vedomstvolar bul qarýly kúshterdiń qalypty transferi ekenin, Grekııamen qalyptasqan jaǵdaıǵa esh qatysy joq ekenin málimdedi.
Bul jaǵdaıda Jerorta teńizindegi zertteý aýmaǵynyń kimge buıyraryn boljaý qıyn. О́ıtkeni Kıpr men Grekııa Eýroodaqqa Túrkııaǵa qarsy sanksııa qarastyrýyn talap etip, qolqa saldy. Eýroodaq pandemııamen kúresip álek. Al Túrkııa NATO-ǵa múshe. Erdoǵannyń buǵan deıin habarlaǵanyndaı, kelisimge kelýi ne «kúshterine» senip, energııa kózderin izdeýdi jalǵastyrary da belgisiz.