Táýlikke jetkizbeı Qaraǵandy oblysy Temirtaý qalasynyń polıseıleri kisi ólimine qatysty qalmysty ashty, – dep habarlaıdy Egemen.kz Polisia.kz-ke silteme jasap.
5 qyrkúıek kúni saǵat 15.30 shamasynda “Arselor Mıttal Temirtaý ” AQ kombınatynan 200 m qudyqtan denesinde zorlyq-zombylyq belgisi bar, buryn iztússiz joǵalǵandar sanatynda bolǵan 50 jastaǵy qala turǵynynyń máıiti tabyldy. Atalǵan fakti boıynsha Qazaqstan Respýblıkasy Qylmystyq kodeksiniń 99-baby 1-tarmaǵyna sáıkes qylmystyq is qozǵaldy. Kúdiktini ustaý jáne anyqtaýǵa baılanysty barlyq ishki ister organynyń jeke quramyna baǵyttama berildi.
Jedel izdestirý is-sharalary barysynda osy iske qatysy bar degen kúdikpen 31 jáne 43 jastaǵy eki azamat ustalyp, moıyndaý kórsetpe belgilerin berdi. Qazirgi ýaqytta dáleldemelerdi jınaýǵa baılanysty tergeý áreketteri júrgizilýde.