Búginde praımerızge qatysýshylardyń sany boıynsha Almaty qalasy kósh bastap tur, dep habarlaıdy Egemen.kz
Sebebi ótinish bildirgenderdiń basym kópshiligi shaǵyn jáne orta bıznes sýbektileri men úkimettik emes uıymdardardyń ókilderi. Osylaısha, Nur Otan partııasyna qarasty Almaty qalalyq fılıalynyń praımerızge qatysýshylary ózderiniń úgit-nasıhat jumystaryn bastap ta ketti.
Qazirgi kúni Almaty qalasy boıynsha 230 úmitker tirkeldi. Onyń ishinde 185 adam "Máslıhatqa", al 45-i "Májiliske" ótinishin bergen.
Eń qyzyǵy, bir depýttatyq orynǵa 10-nan asa qatysýshy úmittenip otyr. "Nur Otan" partııasy Almaty qalalyq fılıaly tóraǵasynyń birinshi orynbasary Stanıslav Kankýrovtyń aıtýynsha, qatysýshylardyń ortasha jasy 42 jasty quraıdy.
Osy kúnde Almaty shahary shaǵyn jáne orta bıznes sýbektileri ókilderiniń sany boıynsha kósh bastap keledi. Máselen, ShOB sektory – 53%, uıymdar men kompanııalar sany 122 bolsa, úkimettik emes uıymdardar – 14,3% qurap otyr. Al 33-ke jýyq kompanııa respýblıka boıynsha praımerızge qatysýǵa nıet bildirdi.
Esterińizge sala keteıik, kandıdattardyń úgit-nasıhat jumystary ZOOM arqyly ótkiziledi. Bastaýysh partııa uıymdarynyń tóraǵalarymen onlaın-kezdesýler, ashyq alańdarda nemese sanıtarııalyq normalardy qatań saqtaı otyryp, jeldetiletin úı-jaılarda oflaın-kezdesýler arqyly júrgiziletin bolady. Sondaı-aq, Nur Otan partııasy fılıaldarynyń resmı akkaýnttary arqyly Tikeleı efır uıymdastyrylady.
Sonymen qatar 14 qyrkúıekten bastap, Almatynyń ár aýdanynda praımerız qatysýshylary pikirsaıysqa qatysady. Ol úshin ashyq túrde jerebe tastaý jáne qatysýshylardy bólý júrgiziledi. Úgit-nasıhat jáne pikirtalas 3 qazanǵa deıin jalǵasady. Nátıjeleri osy jyldyń 5 qazanynda belgili bolady.
Jeńimpazdar Parlament jáne jergilikti organdar boıynsha partııa depýtattyǵynyń tizimine enedi.