Ańshylyq maýsymy bastaldy

О́ńirde 5 qyrkúıekten bastap kúzgi ańshy­lyq maýsymy bastaldy. Bekitilgen ańshylyq alqap­tarynda ań aýlaýdyń kúzgi maýsymy 30 qara­shaǵa deıin jalǵasady. Jalpy, aýmaqtyq ıns­peksııanyń málimetinshe, úırek, qaz, shil, shal­shyqty bódene, kógershin qustaryn aýlaýǵa 5 qyrkúıekten 30 qarashaǵa deıin, borsyq pen qaban aýlaýǵa 5 qyrkúıekten 31 jeltoqsanǵa deıin, qoıan, qarsaq aýlaýdyń qysqy maýsymy 1 qa­rashadan 15 aqpanǵa deıin, sibir eligin 20 qyr­­kúıekten 31 jeltoqsanǵa deıin alýǵa ruqsat beriledi.

Ekologııa, geologııa jáne tabıǵı resýrstar mınıstrliginiń 2020 jylǵy 5 maýsymdaǵy buıryǵyna sáıkes, 2020 jylǵy 1 shildeden bastap 2021 jylǵy 1 shildege deıingi kezeńde óńirde sibir eligi, qaban, sýyr, sý tyshqany, túl­ki, qarsaq, borsyq, qaz, úırek alýǵa arnaıy lı­mıt­ter bekitilipti.

Qazir óńirde sútqorektilerdiń 20 túri jáne qustardyń 60 túri mekendeıdi. Qaban, elik, qasqyr, qoıan, túlki, qarsaq, dala sasyqkúzeni, borsyq, sýyr, sý tyshqany, úırek, qaz, qasqaldaq, shil, qur, bódene aýlaýda ańshylyq joldamada kórsetilgen janýarlardyń sanyna ǵana ruqsat beriledi. Árıne ár nárseniń ólshemi bar. Tabıǵat baılyǵyn qorǵaý, tynysh­tyǵyn saqtaý – mindet. Erejege baǵynbaı, ań aýlaý tártibin buzýshylarǵa jaýapkershilik júkteledi. Iаǵnı, ańshy kýáligi, janýarlar dúnıesin paıdalanýǵa berilgen ruqsatnama, ańshylyq sha­rýashylyǵy nysanynyń joldamasy, jeke ań­shylar úshin qarý men oqtardy saqtaýǵa jáne alyp júrýge ruqsatnama, jyrt­qysh qustardy aýlaý kezinde tólqujat bol­ǵanda ǵana ań aýlaýǵa ruq­sat beriledi.

 Jalpy, oblystaǵy ańshylyq alqaptardyń jalpy aýdany 9,8 mln gektardy quraıdy. О́ńir­de 38 ańshylyq sharýashylyq bolsa, 6 ań­shylyq paıdalanýshyǵa 33 ańshylyq sharýa­shylyǵy bekitilgen.

– Ań aýlaý úshin 33 ańshylyq sharýashylyǵy ashyq bolady. Al rezervtik qordaǵy beki­til­megen Ertis, Bozshakól, Jambyl, Qyzyl­jar, Maı­qaıyń atalatyn ańshylyq sharýashy­lyq­tarynda ań aýlaýǵa ruqsat joq, – deıdi ınspeksııa basshysy Rýslan Tólepbaev.

Pavlodar oblysy