Erteń Reseı astanasy – Máskeýde aralas jekpe-jekten áıgili bapker Abdýlmanap Nurmagomedovty eske alýǵa arnalǵan halyqaralyq týrnırdiń tusaýy kesiledi, dep habarlaıdy Egemen.kz.
Fight Nights jáne GFC uıymdarynyń eń úzdik sportshylary bas qosatyn jarysta Qazaqstannyń tórt birdeı óreni óner kórsetedi. Basty jekpe-jek orta salmaqtaǵy (84 kılo) Dáýren Ermekov pen reseılik Vladımır Mıneev arasynda ótedi. Qos sportshyny jaqynyraq tanystyratyn bolsaq, 32 jastaǵy qandasymyz bastapqyda erkin kúrespen aınalysty. Odan keıin qoıan-qoltyq aıqaspen shuǵyldandy. Oktagonda osy kúnge deıin 20 kezdesý ótkizgen Dáýren 14 márte basymdyq tanytty. Toǵyz básekeni merziminen buryn aıaqtady. Sońǵy ret ol osydan úsh jyldan asa ýaqyt buryn Aıýb Gımbatovtan utylsa, odan keıin qatarynan bes ret ret jeńis toıyn toılady.
Al 30 jastaǵy Ekaterınbýrgtyń týmasy kıkboks pen mýaı-taıdyń has sheberi. 15 márte aıqas alańyna shyqqan Mıneev 13 jekpe-jekti óz paıdasynan sheshti. 11 kezdesýdi merziminen buryn aıaqtady. Bir ret utylyp, taǵy bir básekede teń esep tirkeldi.
Sondaı-aq, sol jarysta Goıtı Dazaev ırkýtskilik Maksım Býtorınmen, Sábıt Júsipov kalınıngradtyq Aleksandr Lýnevpen jáne Muratbek Qasymbaı daǵystandyq Muhammed Emınovpen kúsh synasady.