Qazaqstandyq tennısshi Iýlııa Pýtınseva Nıý-Iorkte ótip jatqan júlde qory 53 400 000 mıllıon dollardy quraıtyn AQSh-tyń ashyq birinshiliginiń shırek fınalynda súrindi, dep habarlaıdy Egemen.kz.
Eger Pýtınseva osy mejeden súrinbeı ótkende "Úlken dýlyǵa" sanatyndaǵy jarystardyń jekelegen saıysynda jartylaı fınalǵa deıin jetken Qazaqstannyń tuńǵysh tennısshisi retinde óz esimin tarıhta qaldyratyn edi. Biraq bul joly ondaı baq oǵan buıyrmady. Jerlesimiz Djennıfer Breıdıge ese jiberdi.
Negizi AQSh-tyń ókili de "anaý aıtqandaı" alynbaıtyn asý emes edi. 25 jastaǵy Pensılvanııa shtatynyń týmasy buǵan deıin osyndaı orasan zor tabysqa qol jetkizgen emes. WTA týrnırlerinde nebary bir márte ǵana top jarǵany esimizde. Búgingi tańda Breıdı álemdik reıtıngte 41-orynǵa jaıǵasty. Al Iýlııa odan alty saty joǵary tur. Soǵan qaramastan bul básekede amerıkalyq oıynshynyń asyǵy alshysynan tústi. 1 saǵat 11 mınýtke sozylǵan saıys 3:6, 2:6 esebimen aıaqtaldy.
Jartylaı fınalda Djennıfer Breıdı óziniń otandasy Shelbı Rodjers pen japonııalyq Naomı Osaka arasyndaǵy kezdesýdiń jeńimpazymen sheberlik baıqasady.