Atyraý oblysynyń polıseıleri áleýmettik jeli arqyly alaıaqtyq jolmen aqsha alǵan jasóspirimdi ustady, dep habarlaıdy Egemen.kz IIM mınıstrligine silteme jasap.
21 maýsym kúni Atyraý oblysy Isataı APB-na jergilikti turǵyn aryzdanady. Jábirlenýshiniń aıtýynsha, belgisiz bireý ony ınstagram jelisindegi "AIBEK KО́MEK" paraqshasy arqyly Kiwi ámııanyna 40 myń teńge aýdartyp alǵan.
Onymen qoımaı, jábirlenýshiniń HalykBank kartasy men sáıkestendipý nómirin fotomen aldyrtyp esepshotynan 385 myń teńge aqshasyn ıemdenip alǵan.
Polısııa qyzmetkerleri jan-jaqty izdestirý jumystary barysynda qylmysqa kúdiktini anyqtady. Jaqynda Atyraý polıseıleri Túrkistan oblysynyń 2003 jyly týǵan turǵynyn ustady.
Kámelet jasyna tolmaǵan jasóspirimniń osyǵan uqsas basqa da alaıaqtyq qylmystaryna qatystylyǵy tekserilýde. Tergeý Qylmystyq kodekstiń 190-baby boıynsha júrgizilýde.