Qaladaǵy medısınalyq uıymdar koronavırýs pen pnevmonııany emdeýge qajet qosymsha jabdyqtarmen qamtamasyz etildi, dep habarlaıdy Egemen.kz ákimdiktiń baspasóz qyzmetine silteme jasap.
Búgin qala ákiminiń orynbasary Baqtııar Máken birqatar uıymdarda bolyp, kúzgi maýsymdyq aýrýlar – JRVI men tumaýdyń kóbeıýin eskere otyryp, mekemelerdiń COVID-19 indetine daıyndyǵyn tekserdi.
Osylaısha, 50-den astam ókpeni jasandy jeldetý apparaty, 2 kompıýterlik tomograf; ókpeniń zaqymdaný paıyzyn kórýge múmkindik beretin 7 sandyq rentgen júıesi; 3 ottegi rezervýary qosymsha satyp alyndy. Sonymen qatar qalanyń emdeý mekemelerine 500-den astam ottegi konsentratory, 250-ge jýyq ókpeni jasandy jeldetý apparaty, 300-ge jýyq floýmetr, 500 kópfýnksıonaldy arnaıy kereýet jetkizildi. Sondaı-aq 1600-ge jýyq ottegi núktesi bar.
"Demalys kúnderi karantın sharalaryn engizý arqasynda qalada COVID-19-ǵa qatysty ahýal turaqtaldy. Medısına mekemeleri men qyzmetkerlerge aýyrtpalyq túspeý úshin, qatań sanıtarııa normalaryn saqtaýdy jalǵastyrý qajet. Koronavırýspen kúreske daıyndyq toqtaǵan emes. 110 tonnadan astam dári-dármek satyp alynyp, mekemeler medısınalyq jabdyqtarmen qamtamasyz etilýde. Kúzde órshıtin JRVI indetimen birge koronavırýsqa qatysty ahýal da kúrdelenýi múmkin. Sondyqtan bizdiń barlyq medısına uıymdary daıyn.
Jaqynda medısınalyq jabdyqtardan basqa jyljymaly flıýorografııalyq keshender, sandyq rentgen júıeleri jáne joǵary dáldiktegi jeldetkishter de keledi. Mysaly, búginde stasıonarlardy ókpeni jasandy jeldetý apparatymen qamtamasyz etý shamamen 94%-dy quraıdy", – dedi qala ákiminiń orynbasary Baqtııar Máken.
Baqtııar Máken ákimdik jeke jáne respýblıkalyq klınıkalarmen olardyń kompıýterlik tomografııa apparattaryn qala emhanalary men stasıonarlaryna bekitý týraly kelisimge qol qoıǵanyn atap ótti. Kompıýterlik tomograftardyń jalpy sany – 19. Qajet bolsa, qalanyń barlyq 17 stasıonary qaıta ashylyp, ınfeksııamen kúreske jumyldyrylatyn bolady.