Aıagózde medısınanyń múmkindigi artty

Ult densaýlyǵyn saqtaýdy odan ári damytý jónindegi sharalar barlyq medısınalyq uıym­dardy qajetti jabdyqtarmen tolyq jabdyqtaýǵa, tósek qoryn 50% -ǵa jańartýǵa, eskirgen ın­fraqurylymdy aýystyrýǵa jáne ómir súrý uzaqtyǵyn 75 jasqa deıin jetkizýge múmkindik beredi» dep atap ótti.

Joldaýdyń bul baǵyty aıasynda Shyǵys Qazaqstan oblysynyń Aıagóz aýdanynda aıtarlyqtaı jumys atqarylýda. Sondaı-aq búginde aýdan turǵyndary arasynda medısınalyq kómektiń sapasyna kóńili tolyp, dərigerlerdiń jumysyna qanaǵattanatyn naý­qastar qatary ósken. Bul aýdandaǵy tıisti medısınalyq qyz­met kór­setý bazasynyń nyǵaıǵanyn kór­setse kerek.

2018 jyly «Medısınalyq-ınnovasııalyq tehnologııa» JShS, «Paryz» qoǵamdyq qory jáne Aıagóz ortalyq aýdandyq aýrýhana arasynda 639 mln 652 myń teńgege úshjaqty kelisimshart ja­salyp, kompıýterlik tomografııa, jasandy demaldyratyn apparat, ÝZI jáne basqa da qajetti medısınalyq qural-jabdyqtar alyndy. Sondaı-aq ekinshi deń­geıli ınsýlt ortalyǵy ashylǵan bolatyn. О́z kezeginde bul ınsýlt ortalyǵynda qazir aýdan halqy ǵana  emes, sonymen qa­tar kórshiles Úrjar, Jarma aýdandary­nyń turǵyndary da em-dom qabyldaýda. Osylaısha Aıagóz ortalyq aýdan­dyq aýrýhanasyn búginde «aýdan­aralyq» mekeme deýge bolady.

Byltyr aýdanda jańadan úshin­shi deńgeıdegi medısınalyq kómek kórsetetin perınataldyq ortalyq ashylǵan edi.

Al bıyl aýrýhanada zamanaýı, sońǵy úlgidegi medısınalyq quraldarmen jabdyqtalǵan angıografııa bólimi ashyldy. Aıtý kerek, «Angıografııa» – júrek, qan tamyrlary aýrýlaryn dıag­nostıkalaýdyń, emdeýdiń quramdas bóligi. Koronarlyq angıografııa kómegimen júrektiń stenokardııa, ınfarkt, aortanyń tarylýy, taǵy basqa aýrýlardy dıagnostıkalaýǵa, emdeýge bolady.

Bıyl ortalyq emhanaǵa 200 mln teńge qarjy bólinip, kúrdeli jóndeý jumystary júrgizilýde.

Jaqynda Aıagóz aýdanaralyq aýrýhanasyndaǵy oń ózgeristerdi Premer-Mınıstr Asqar Mamın, Densaýlyq saqtaý mınıstri Alekseı Soı, oblys ákimi Danıal Ahmetov kelip kórdi. Oblystyq densaýlyq saqtaý basqarmasynyń basshysy Ilııas Muhamedjanov «Triage» júıesi boıynsha jumys isteıtin qabyldaý bólimin, kom­pıýterlik tomografııa, jańadan ashylǵan angıografııa jáne perzenthana bólimderin kórsetip, ju­mys barysymen tanystyrdy. О́z kezeginde Úkimet basshysy ınsýlt ortalyǵynda, perzenthanada jáne jańadan ashylǵan angıografııalyq bólimde jasalǵan sapaly jóndeý jumystaryna jáne medısına qyz­metkerleriniń jumysyna jo­ǵary baǵa berdi. Al dárigerler qaýymy shetelderde bilimderin je­tildirip, osyndaı joǵarǵy teh­nologııalyq bólimderde ju­mys isteýge múmkindik bergen Úki­met­ke, oblys, aýdan basshylaryna rızalyqtaryn aıtyp, aýdan tur­ǵyndarynyń densaýlyǵyn qorǵaýǵa bar bilimi men kúsh-jiger­lerin aıanbaı jumsaýǵa ýáde berdi.

Dýman ARǴYNGELDI,

jýrnalıst

Shyǵys Qazaqstan oblysy,

Aıagóz aýdany