Tirkelgen 456 urlyqtyń 400-den astamy ashylǵan. Biraq páter urlyǵy toqyrar emes. Jýyrda taǵy eki páter urlyǵy tirkeldi. Eki jaǵdaıda da urlyq jasady degen kúdikpen jábirlenýshilerdiń kórshileri ustaldy, dep habarlaıdy Egemen.kz.
Sonyń ishinde Aıyrtaý aýdanynyń ortalyǵy Saýmalkól aýyly turǵynynyń úıinen 230 myń teńge somasyndaǵy qarajattyń urlanǵany týraly aryzben polısııaǵa júgingen. Polıseıler jedel-profılaktıkalyq is-sharalar júrgizip, nátıjesinde urlyq jasady degen kúdikpen narkologııalyq esepte turǵan atalǵan aýyldyń buryn sottalǵan 1977 jyly týǵan turǵynyn ustady. Ury úı ıeleri jumysta bolǵan kezde tereze arqyly túskeni belgili boldy. Urlanǵan qarjynyń bir bóligi alyndy. Atalǵan fakti boıynsha qylmysty is qozǵalyp, kúdikti qamaýǵa alyndy.
Taǵy bir urlyq Qyzyljar aýdanynyń Iаkor aýylynda oryn aldy. Ákimshilik ýchaskedegi túngi reıd kezinde ýchaskelik polısııa ınspektory buryn sottalǵan adamnyń birin tekseredi. Polısııa qyzmetkeri úıde beı-bereket shashylyp jatqan túrli azyq-túlikti baıqaıdy. Mán-jaıdy anyqtaý kezinde ýchaskelik ınspektor kelmeı turyp, shamamen bir saǵat buryn qaskóıler túnde úılerinde joq bolǵan bir kóshede turatyn kórshileriniń úılerinen azyq-túlikti oljalap alyp shyqqany anyqtaldy. 40 jastaǵy buryn sottalǵan adam esik qulpyn buzyp, óziniń tanysy, buryn sottalǵan aýyl turǵynymen birge bir qap qant, kompot bankalary, et, ósimdik maıy, spırttik ishimdikter, parfıýmerııa zattaryn qoldy qylǵan. Qazirgi ýaqytta kúdiktiler qamalyp, ústerinen qylmysty is qozǵaldy.
Soltústik Qazaqstan oblysy