Qazaly aýdanynyń ákimi Murat Ergeshbaev otbasy kúni merekesi qarsańynda kópbalaly analarmen, óńirdiń áleýmettik-ekonomıkalyq damýyna úles qosqan áıeldermen kezdesti, dep habarlaıdy Egemen.kz.
Kezdesý barysynda Murat Nálhojauly aýdannyń áleýmettik-ekonomıkalyq damý baǵytyndaǵy kórsetkishterimen tanystyra otyryp, aldaǵy josparlar jaıly aıtty.
"Qazirgi tańda kásipkerlik salany damytýǵa baǵyttalǵan memlekettik baǵdarlamalarǵa qatysýshylardyń basym kópshiligin áıelder qurap otyrǵandyǵy qýantady. Bul óz kezeginde eńbekke qabiletti halyqty jumyspen qamtý deńgeıin jáne olardyń ómir súrý sapasyn arttyrýǵa óz septigin tıgizedi. Aýdan boıynsha "Altyn alqa", "Kúmis alqa" nagradalarymen marapattalǵan 1124 jáne 4593 kópbalaly ana bar. Olar memleket tarapynan tıisti kólemde áleýmettik kómekterin ýaqytyly alyp keledi", – degen aýdan basshysy.
О́z kezeginde kezdesýge qatysýshylar otbasylar kúni merekesi qabyldaý ótkizgen aýdan ákimine rızashylyqtaryn bildirip, ózderiniń usynys-pikirlerin jetkizdi.
Aýdan basshysy qoǵamdyq ómirge belsene aralasyp júrgen qyz-kelinshekterge alǵysyn aıtyp, aldaǵy jumystaryna sáttilik tiledi.
Qyzylorda oblysy