Nysandarǵa bekitilgen keste boıynsha daıyndyq júrgizilip jatyr, dep habarlaıdy Egemen.kz ákimdiktiń baspasóz qyzmetine silteme jasap.
Elordada jylytý maýsymy kóshedegi ortasha aýa temperatýrasy bes táýlik boıy +10 °S jáne odan tómen bolǵan kezde bastalady.
"QR 2001 jylǵy 23 qańtardaǵy "QR jergilikti memlekettik basqarý jáne ózin – ózi basqarý týraly" zańyna, sondaı-aq elordalyq máslıhattyń 2014 jylǵy 27 maýsymdaǵy sheshimi brıynsha jylytý maýsymyna daıyndyq jáne ony ótkizý qaǵıdalaryna sáıkes, bes táýlik ishinde syrtqy aýanyń ortasha temperatýrasy +10 °S jáne odan tómen bolǵan kezde, jergilikti atqarýshy organ jylytý maýsymynyń bastalýy týraly sheshimi qabyldaıdy", - delingen habarlamada.
Buǵan deıin habarlanǵandaı, elordada energııa keshenderin, TKSh, bilim berý, mádenıet jáne densaýlyq saqtaý nysandaryn daıyndaý bekitilgen jospar boıynsha júrgizilýde.
Kóp páterli turǵyn úı qorynyń daıyndyǵy 90%-dan joǵary. Sonymen qatar, qalada kún saıyn 20 myń tonna kóleminde qatty otyn qory qamtamasyz etiledi.