Genadıı Zıýganov Reseı prezıdentinen úkimetti otstavkaǵa jiberýdi talap etpekshi. Bul týraly Utro.ru habarlady.
«Biz úkimettiń otstavkaǵa ketýin qoldaıtyn 2 mıllıonǵa jýyq adamnan qol jınap shyqtyq», – dep málimdedi Reseı Federasııasy Kommýnıster partııasynyń hatshysy Sergeı Obýhov.
Ústimizdegi jyldyń shilde aıynda Reseı Federasııasy Kommýnıster partııasy úkimetti qyzmetinen bosatý jóninde nıet bildirgen bolatyn. Partııa jetekshisi Genadıı Zıýganov qujatqa 101 depýtattyń qoly qoıylǵanyn málim etti. Al máseleni memlekettik Dýmaǵa ótkizý úshin 90 adamnyń qoly jetkilikti.
Kommýnıster úkimettiń qyzmtten ketýin talap etýge birqatar sebepter bar ekenin aıtady. Olardyń ishinde ekonomıkanyń júıeli daǵdarysqa ushyraýy, «qabiletsiz qarjy saıasaty» men «memlekettik múlikti talan-tarajǵa salý» máseleleri bar. Sondaı-aq kommýnıster partııasy úkimettiń ǵylymı-tehnıka salasyna jetik nazar aýdarmaıtynyn, jemqorlyq pen ulttyq qaýipsizdikke nuqsan keltiretin ózge de máselelerdi sheshe almaı jatqanyn alǵa tartty.
Aıdar О́risbaev.