Túrkistan oblystyq "Jastar resýrstyq ortalyǵy" jastar arasynda tarıhı mekender men murajaılarǵa qyzyǵýshylyqtaryn arttyrý maqsatynda tyń jobasyn júzege asyrýda. Atap aıtqanda, "Menmuńdalanǵan mýzeıler" jobasy aıasynda onlaın saıahattar uıymdastyrylyp otyr, dep habarlaıdy Egemen.kz oblys ákiminiń baspasóz qyzmetine silteme jasap.
Onlaın saıahat barysynda Otyrar aýdany Shámshi aýylynda jýyrda ǵana ashylǵan, qazaq án áleminiń padıshasy Shámshi Qaldaıaqovqa arnalǵan "Shámshi úıi" murajaıynan tikeleı túsirilim kórsetildi. Oqyrmandarǵa kompozıtordyń ómir joly men bólmesindegi árbir zaty týraly qyzyqty derekteri aıtyldy.
Onlaın saıahatty 5000-ǵa jýyq jas tamashalap, qyzyqtyrǵan dúnıeler týraly suraqtaryn qoıdy. Bul bastama aldaǵy ýaqytta da jańa formattarmen uıymdastyrylatyn bolady.
"Apta saıyn oblystaǵy tarıhy tereń, qoınaýy keń murajaılardyń ishine saıahat jasap, ondaǵy qundylyqtarmen jekeleı tanystyrýdy qolǵa aldyq. Bul jobanyń bir erekshiligi – smartfon arqyly-aq mýzeı ishin aralaýǵa bolatyny jáne ondaǵy aqparattardyń jelide saqtalatyny", – dedi Túrkistan oblystyq Jastar resýrstyq ortalyǵynyń basshysy Amalbek О́mirtaı .
Joba aıasynda Túrkistan qalasy tarıhı-mádenı etnografııalyq mýzeıge qarasty N.Ońdasynov jáne N.Tórequlov pen S.Erýbaev atyndaǵy murajaılardan tikeleı efır júrgizilip, jeli oqyrmandaryna rýhanı demalys uıymdastyryldy.