Qazaqstanda qarasha men jeltoqsan aılarynda koronavırýs indetiniń órshýi tirkelýi múmkin. Mundaı boljamdy Densaýlyq saqtaý mınıstri Alekseı Soı málimdedi, dep habarlaıdy Egemen.kz.
"Qazirgi ýaqytta boljam jasaýmen aınalysyp jatyrmyz. Eń naqty boljam eki aptalyq kezeńge jasalady. Kún saıyn qolymyzǵa túsip otyrǵan kórsetkishter aýytqyp turady. Tolyqtaı alǵanda, qaziri ýaqytta bul boljamdar maska taǵatyn, ıaǵnı áleýmettik araqashyqtyq pen maska rejımin saqtaıtyn adamdardyń jalpy paıyzyna baılanysty. Dál osyǵan aýrýǵa shaldyǵý boljamy tikeleı baılanysty. Aýrýǵa shaldyǵýǵa qatysty boljam jasaý úshin qazirgi ýaqytta azamattardyń qarym-qatynasty qanshalyqty qysqartqandyǵyn bilýimiz qajet.
Shamamen qarasha-jeltoqsan aılarynda ósim bolýy múmkin. Oǵan koronavırýstyń boljanyp otyrǵan ekinshi tolqyny men jedel respıratorlyq vırýstyq ınfeksııalardyń, tumaýdyń qabattasýy áser etedi", - dedi Alekseı Soı.