Shetelde oqyǵan 2 myńnan astam stýdent otandyq joǵary oqý oryndaryna aýysty, dep habarlaıdy Egemen.kz mınıstrliktiń baspasóz qyzmetine silteme jasap.
QR BǴM buǵan deıin sheteldik joǵary oqý oryndarynda óz betinshe oqyǵan qazaqstandyq stýdentterge otandyq joǵary oqý oryndaryna aýysýǵa kómektesti. Stýdenterge qujattardy rásimdeý barysynda joo-lardyń vırtýaldy qabyldaý komıssııalary arqyly jeńildetilgen format usynyldy. Sheteldik joǵary oqý oryndarynyń basym bóligi qazaqstandyq joo-lar sııaqty oqý jylyn qashyqtan bilim berý tehnologııalaryn paıdalana otyryp bastady. Alaıda, keıbir sheteldik joo-lar óz stýdentterine qashyqtan oqytýdy jalǵastyrý úshin platformalar usyna almady. Tamyz aıynyń basynda BǴM oqýyn jalǵastyrý úshin ózine baılanysty emes sebepter boıynsha elden shyǵa almaǵan stýdentterge kómek kórsete bastady. Aldyn ala qabyldanǵan sheshimderdiń arqasynda 2 myńnan astam qazaqstandyq stýdent otandyq joǵary oqý oryndaryna aýysýǵa nıet bildirdi. Osy sanattaǵy azamattardy qoldaý maqsatynda arnaıy jedel jeli iske qosylyp, qujattardy qabyldaý prosedýrasy jeńildetildi.