Búgin tańerteń Iordanııanyń Ez-Zarka qalasynda joıqyn jarylys boldy, dep habarlaıdy Egemen.kz Iordanııanyń Petra agenttigine silteme jasap.
Iordanııanyń memlekettik aqparat mınıstri Amdjad Adaıleniń aıtýynsha, jarylys merzimi ótken oq-dáriler saqtalatyn qoımada bolǵan. Atalǵan qoıma eldiń qarýly kúshterine tıesili. Abyroı bolǵanda qoıma halyq qonystanǵan aýmaqtan alys jerde ornalasqan eken.
Tergeýdiń alǵashqy nátıjeleri boıynsha jarylys qysqa tuıyqtalý saldarynan bolýy múmkin. Ázirge oqıǵa saldarynan zardap shekkender joq.