1 qyrkúıekte “Qarasora-2020” respýblıkalyq jedel-aldyn alý is-sharasyn ótkizý barysynda Jambyl oblysynyń Polısııa departamenti Esirtki bıznesine qarsy is-qımyl basqarmasynyń qyzmetkerleri Taraz qalasynyń 60 jastaǵy turǵynyn ustady, dep habarlaıdy Egemen.kz Polisia.kz saıtyna silteme jasap.
Turǵynnyń jeke menshik úıiniń baqshasynan jalpy salmaǵy 60 keli marıhýana esirtki zaty tabylyp, tárkilendi. Ustalǵan azamat kinásin moıyndady. Qazir QR QK-niń 300-babynyń 1-bóligi boıynsha sotqa deıingi tergeý amaldary júrgizilýde.
Jambyl oblysynyń Polısııa departamenti turǵyndarǵa tyıym salynǵan qarasora, kóknár nemese quramynda esirtki zattary bar basqa da ósimdikterdi ósirgeni úshin úsh jyldan segiz jylǵa deıingi merzimge bas bostandyǵynan aıyrý jazasy qarastyrylatynyn eskertedi.