Shymkentte kúzgi áskerge shaqyrý qyzý júrip jatyr. Birinshi qyrkúıekten bastap 18 jasqa tolǵan azamattar qalalyq qorǵanys isteri jónindegi departamentinde medısınalyq komıssııadan, test jáne suhbattasý kezeńinen ótýde. Bıylǵy jyldyń kúzinde Shymkentten 700-ge jýyq jasty shaqyrý josparlanǵan, dep habarlaıdy Egemen.kz.
11 qyrkúıekte jas tolyqtymnyń birinshi toby ózderiniń konstıtýsııalyq boryshyn oryndaýǵa attanady. Qazir olar shaqyrý komıssııasynyń otyrysynan ótip jatyr. Onda shaqyrý komıssııasy tóraǵasy jáne medısınalyq komıssııa tóraǵasynyń qatysýymen kandıdatty qaıta tekserý júrgiziledi. Onyń qyzmetke barý maqsaty men psıhologııalyq kózqarasy tekseriledi.
Dárigerlerdiń aıtýynsha, áskerge shaqyrylýshylardyń kópshiligi áskerı qyzmet ótkerýge jaramdy. Tek bir kúnde júzden astam jastar medısınalyq tekserýden ótedi.
Shymkenttiń jergilikti áskerı basqarý organdarynyń habarlaýynsha, elimizdiń úshinshi megapolısiniń jastary áskerı qyzmetke belsendi qyzyǵýshylyq tanytýda, sonyń arqasynda aıtarlyqtaı básekelestik týyndaıdy, tek úzdikter ǵana áskerge bara alady.
Shaqyrylýshylar men laýazymdy adamdar arasynda koronavırýstyq ınfeksııanyń taralýynyń aldyn alý maqsatynda profılaktıkalyq sharalardy kúsheıtý úshin qurama pýnktterde medısınalyq beketter ornalastyryldy. Oblystyq medısınalyq komıssııalardyń quramyna ınfeksıonıst-dárigerler engizildi.
Jas býynmen áskerı bólimderge keter aldynda mindetti túrde PSR-zertteýler ádisimen COVID-19-ǵa zerthanalyq zertteý júrgiziledi. Al bólimge kelgennen keıin jastardy eki aptalyq karantınge oqshaýlaıdy. Karantın kezinde medısınalyq tekserý jáne áleýmettik-psıhologııalyq zertteý júrgiziledi.
Sondaı-aq, keıinge qaldyrýǵa quqyǵy bar áskerge shaqyrylýshylar sanatyn keńeıtý mańyzdy jańalyq bolyp tabylady. Endi keıinge qaldyrý qosymsha beriledi: pedagogtarǵa, olardyń búkil jumys kezeńinde, sondaı-aq quqyq qorǵaý organdarynyń bilim berý mekemelerinde oqyp jatqan adamdarǵa.