Shuǵyl qyzmet kólikteri jańa tehnologııalardyń arqasynda turǵyn úı keshenderiniń aýlalaryna kedergisiz kire alady. Bul týraly Nur-Sultan qalasynyń ákimi Altaı Kólginov óziniń "ınstagram" paraqshasynda jazdy, dep habarlaıdy Egemen.kz
"Elordanyń turǵyn úı keshenderinde "smart" shlagbaýmdardy engizý jobasy men avtokólikterdiń memlekettik nómirlerin anyqtaý júıesi qolǵa alyndy. Bul tehnologııa shuǵyl qyzmet kólikteriniń úılerdiń aýlalaryna kedergisiz kirýine múmkindik beredi. Arnaıy málimetter bazasyna engizilgen kólikter "smart" tehnologııanyń kómegimen shlagbaýmnan ótip, aýlaǵa kire alady. Sonymen qatar tizimdi qajet bolǵan jaǵdaıda tolyqtyrýǵa bolady. Odan bólek, barlyq kirip-shyqqan avtokólikter tizimi jýrnalǵa tirkeledi", deıdi elorda ákimi.
Qala ákiminiń aıtýynsha, jyl sońyna deıin biz turǵyn úılerdiń 30%-na deıin "smart" shlagbaýmdarymen jabdyqtaý josparlanǵan.
"Sonymen qatar "Qaýipsiz aýla" baǵdarlamasy aıasynda aýlanyń aýmaǵynda kameralar ornatý josparlanýda. Bul óz kezeginde qaýipsizdik deńgeıin arttyrýǵa septigin tıgizedi: urlyq jasaý, bótenniń múlkine zııan keltirý jáne basqa quqyq buzýshylyqtar sany azaıady", deıdi Altaı Kólginov.