Qarýlaryn qysqartpaq
О́tken aptanyń basty oqıǵasynyń biri – AQSh pen Reseı Federasııasynyń prezıdentteri Barak Obama men Dmıtrıı Medvedev Chehııanyń astanasynda strategııalyq shabýyldaýshy qarýlardy (SShQ-3) qysqartý jónindegi shartqa qol qoıdy.
Burynǵy sharttyń merzimi ótken jylǵy jeltoqsanda-aq ótip ketken edi. Biraz máseleler jóninde kelisimge qol jetpeı kelgen. Tipti Reseıdiń bul sharttan bir jaqty shyǵý múmkindigi barlyǵyn eskertken málimdemesi de bolǵan. Biraq eki derjava basshylary da jaǵdaıdy tym shıelenistirý jaqsylyqqa aparmaıtynyn uǵyp, kelisimge toqtady. Sonyń arqasynda eki jaqtyń ıadrolyq arsenalynyń úshten birindeıi qysqarmaq.
Saılaý erte ótedi
Avıaapattan qaza bolǵan Polsha prezıdenti Leh Kachınskııdiń alǵashqy bılik merzimi osy jyldyń aıaǵyna taman bitýge tıis edi. Bul elde prezıdent saılaýynyń naýqany bastalyp ta ketken bolatyn. Marqum Kachınskııdiń ózi de ekinshi merzimge qaıta saılanýǵa túsýi múmkin edi. Endi jaǵdaı múlde ózgerip otyr. Kezekten tys saılaý burynyraq ótýi múmkin. El basshysynyń mindetin atqarýshy Seım Marshaly B.Komorovskıı kezekten tys saılaýdyń bolatyn ýaqyty jaqynda jarııalanatynyn málimdedi. Ketýdiń sebebi ne? Juma kúni bıliktegi Mońǵol halyqtyq-revolıýsııalyq partııasynyń tóraǵasy Sanjıın Baıar óz qyzmetinen ketetinin málimdedi. Ketýiniń sebebin ol densaýlyǵyna baılanystyryp otyr. Al saıasatshylar ony sońǵy kúnderdegi oqıǵalarǵa baılanystyrady. Dúısenbi kúni Ýlan-Batordyń kóshesine bes myńdaı adam mıtıngige shyǵyp, parlamentti taratýdy, úkimettiń qyzmetinen ketýin talap etken bolatyn. Qazir 2,7 mıllıon halqy bar Mońǵolııada adamdardyń 40 paıyzdaıy kedeıshilik sheginen tómen turady.
Bılik úshin kúres
Ulybrıtanııada 6 mamyrda ótetin parlament saılaýynyń naýqany bastaldy. Onda jeńgen partııanyń ókili bılik tizginin ustaıdy. Leıborıster, mine, 13 jyl boıy bılikte. Aldymen Tonı Bler úsh merzim premer-mınıstr bolsa, odan estafetany qabyldaǵan Gordon Braýn óz partııasyn jeńiske jetkize ala ma, joq pa, ol belgisiz. Al olardyń bas qarsylasy konservatorlar osy joly qalaı da jeńýdi maqsat etip otyr.
Oppozısııa ydyraýda
Kúni keshe prezıdenttikke talasqan Iýlııa Tımoshenkony onyń dostary tastap ketip jatyr. Satqyndyq kimnen bolsa da jaqsy emes. Budan buryn óz fraksııasynyń depýtattaryn Aımaqtar partııasy 1 mıllıon dollarmen satyp alyp jatyr dep málimdese, ony dáleldeý qıyn. Bul úshin Tımoshenkony prokýratýra shaqyryp, jaýap alýda. Árıne, eshkim aqshaǵa satyldym deı qoımaıdy. Biraq Tımoshenkonyń basqaǵa ókpeleıtin jóni joq, ózi de kezinde V.Iýshenkony satyp ketken. Asa iri jattyǵý Senbi kúni Pákstanda sońǵy 20 jyldaǵy eń úlken áskerı jattyǵý bastaldy. Oǵan barlyq ásker túriniń 45 myń jaýyngerleri men ofıserleri qatyspaq. Jattyǵý kezinde qarýlar men quraldardyń jańa túrleri synaqtan ótedi. Jurtshylyq bul iri jattyǵýdy kórshilerge qyr kórsetý dep qabyldady.
Eń úlken jalaqy
Ne nárseniń bolsa da tym artyqtyǵy óreskel. Basqa elderge qaryzy shash-etekten, ózi basqa eldiń basqynshylyǵy jaǵdaıynda kún kórip otyrǵan Iraktyń premer-mınıstri Nýrı ál-Malıkıdiń aılyq jalaqysy 2 mıllıon dollar eken. Jurt onyń jalaqysyn AQSh prezıdenti Barak Obamanyń jalaqysymen salystyratyn kórinedi. Onyki – 48 myń dollar. Malıkıdiń bir aıda tapqanyn 3 jylda tabady.
Qyzbaıtyn sham
Eýroodaq elderi aldaǵy ýaqytta dástúrli Edısson oılap tapqan qyzdyrylyp jaryq beretin elektr lampalaryn shyǵarmaıtyn bolyp otyr. Olardyń ornyn elektr qýatyn únemdeıtin shamdar basatyn bolady. Eýroodaq úkimeti – Eýrokomıssııa sondaı sheshimge kelipti. Al konservatıvteý keletin nemis jurty eski shamdardy bar kezinde kóptep satyp alyp jatqan kórinedi.
Ázirlegen Mamadııar JAQYP.