Sybaılas jemqorlyqqa qarsy áreket jáne ınnovasııalar men sıfrlandyrýdy qoldaný arqyly transparenttilikti arttyrý jolymen EQYU óńirinde qaýipsizdikti, turaqtylyq pen ekonomıkalyq ósimdi qamtamasyz etý máseleleri Albanııanyń tóraǵalyǵymen Praga qalasynda bıylǵy 10-11 qyrkúıekte aralas formatta ótken EQYU-nyń 28-shi Ekonomıka jáne qorshaǵan orta forýmynyń negizgi kún tártibi boldy, dep habarlaıdy Egemen.kz mınıstrliktiń baspasóz qyzmetine silteme jasap.
Qazaqstannyń EQYU janyndaǵy Turaqty ókili Qaırat Sarybaı Forýmnyń ashylýyndaǵy óz sózinde sybaılas jemqorlyqqa qarsy kúres, sıfrlandyrýdy damytý jáne qorshaǵan ortany qorǵaý máselelerine memleket tarapynan erekshe kóńil bólinip otyrǵanyn, jáne bul jóninde Prezıdent Qasym-Jomart Toqaev óziniń taıaýdaǵy Joldaýynda da aıtqanyn atap ótti.
EQYU-ǵa qatysýshy elderdiń nazaryna elimizdiń jańa ekonomıkalyq baǵdarynyń jeti negizgi qaǵıdaty jetkizildi. Sonymen qatar, qazaqstandyq dıplomat 2020 jyldyń 1 qańtarynan bastap elimizdiń Sybaılas jemqorlyqqa qarsy memleketter tobyna kirgenin, sondaı-aq Qazaqstannyń Eýropa Keńesiniń Sybaılas jemqorlyǵy úshin qylmystyq jaýapkershilik konvensııasyna qosylýǵa nıetti ekendigin atap aıtty.
Forýmnyń aıasynda Q.Sarybaı sondaı-aq EQYU-ǵa qatysýshy elder delegasııalarynyń basshylarymen birqatar kózdesýler ótkizip, olardyń barysynda Uıymnyń kún tártibi men elder arasyndaǵy aldaǵy yntymaqtastyq máseleleri boıynsha pikir almasty.
Is-sharanyń jumysyna EQYU-ǵa 57 qatysýshy eldiń memlekettik organdarynyń, halyqaralyq jáne úkimettik emes uıymdardyń joǵary mártebeli ókilderi, akademııalyq ortalar men jeke sektordyń sarapshylary, sondaı-aq Qazaqstan Respýblıkasynyń Sybaılas jemqorlyqqa qarsy is-qımyl agenttigi, Ekologııa, geologııa jáne tabıǵı resýrstar mınıstrliginiń ókilderi qatysty.