Mádenıet jáne sport mınıstrligi Til saıasaty komıtetiniń tapsyrysy boıynsha Sh.Shaıahmetov atyndaǵy "Til-Qazyna" ulttyq ǵylymı-praktıkalyq ortalyǵynyń uıymdastyrýymen ilespe aýdarmashylardyń biliktiligin arttyrý maqsatynda bes kúnge sozylǵan qazaq tilinen aǵylshyn, aǵylshyn tilinen qazaq tiline ilespe aýdarma júrgizýkýrsy óz máresine jetti, dep habarlaıdy Egemen.kz.
Atalmysh jıynnyń mańyzy jaıly ortalyqtyń bas dırektory, belgili jazýshy Álibek Asqar: "Qazaqstan álemdik qoǵamdastyqtan óz ornyn alǵannan keıin basqa memlekettermen ár qıly deńshhgeıde qarym-qatynas ornaýǵa týra keldi. Bul oqıǵa sapaly aýdarmanyń qajettiligin týdyryp otyr. Sondyqtan, atalmysh baǵyttaǵy kýrstarda aýdarma teorııasy, jazbasha aýdarma men aýyzsha aýdarmanyń erekshelikteri, ilespe aýdarmashyǵa qajetti bazalyq grammatıkalyq jáne frazeologııalyq úlgiler, sózdik qordy baıytý jumystary boıynsha dárister oqytýdy qolǵa alyp kelemiz", dedi.
Kýrsqa qatysýshylarǵa aýdarma teorııasy men praktıkasy, aýdarmatanýdyń ózekti máseleleri sheńberinde oqý-ádistemelik kómek kórsetilip, aýdarma salasyndaǵy ǵalym mamandar ozyq tájirıbesimen bólisti.
Bul sharaǵa ortalyq jáne jergilikti atqarýshy organdarynyń aýdarmashylary qatysyp, olarǵa biliktilik sertıfıkattary tabystaldy.