Dostyq úıinde Assambleıanyń 25 jyldyǵyna oraı Qyzylorda oblystyq Qazaqstan halqy Assambleıasynyń uıymdastyrýymen «DOSTYK KZ» atty jastar saıasatyn damytýǵa baǵyttalǵan áleýmettik jobalar baıqaýy ótkizildi.
Baıqaýdyń maqsaty – oblystaǵy jastar saıasatyn damytýǵa baǵyttalǵan jańa ıdeıalarǵa, ózekti áleýmettik máselelerdi sheshýge baǵyttalǵan jobalarǵa kóńil aýdaryp, onyń oblys kóleminde iske asyrylýyna qoldaý kórsetý. Baıqaýǵa 18-29 jas aralyǵyndaǵy 6 jas jáne 4 komanda qatysty.
Baıqaýdyń qazylar alqasynyń quramynda Qyzylorda qalalyq jastar resýrstyq ortalyǵynyń dırektory Sabyrjan Keńshilik, respýblıkalyq jáne halyqaralyq startap-jobalardyń jeńimpazy, «Jańǵyrý joly» respýblıkalyq jastar qozǵalysynyń belsendisi Evgenıı Demıdenko jáne «Qoǵamdyq kelisim» KMM bólim basshysy Aıbek Daırabaı boldy.
Baıqaý qorytyndysy boıynsha Ábilqaıyr Erǵalıev – I oryndy, Álfarabı Islam – II oryndy, Beksultan Tursyn III oryndy ıelendi. Jeńimpazdar arnaıy dıplomdarmen, al «Ecoproject», «Clean World», «Helli», «Rise and fight» komandalary jáne Ádilhan Ájibekov, Baıansulý Tólebaı, О́tesh Jasnur baıqaýǵa qatysqandary úshin Alǵys hattarmen marapattaldy.
Barlyq qatysýshylarǵa syı-syıapattar tabystaldy.