Jeńis paradyna qatysqan

Nemis-fashıst basqynshy­la­ryn talqandaýda erekshe kózge túsken Keńes qarýly kúshteriniń ár túrinen jasaqtalǵan tańdaýly polkter Jeńis paradyna qa­tys­ty. Zamana tarıhynyń tó­rinen oryn alatyn osy bir es­te qalarlyq oqı­ǵanyń kýási bol­ǵan­dar qatary jyldan-jylǵa aza­ıyp keledi.

Sol áskerı sherýge qatys­qan kapıtany Shaıǵappas Egeýbaı­uly Egeýbaevty keıingi urpaq búginde deıin maqtan tutady. О́tken kúnderdi Shaıǵappas Egeý­baı­uly kózi tirisinde bylaı dep eske al­ǵan edi:

«Jeńis paradyna qatysqandy óz basym maqtan tutatamyn. Sol kúni meniń tula boıymdy halyqtyq maqtanysh bılep júr­di... Máskeýdegi Qyzyl alań­da bir sát tylsym tynyshtyq ornady. Sonan soń eki júz baraban dúrsili astynda fashısterdiń svas­tıkaly kara jalaýlary Lenın mavzoleıiniń irgesine laq­tyryldy...»

Shaıǵappas Egeýbaev 1924 jy­ly Pavlodar oblysy, Maı aýdany, Abaı aýylynda dúnıege kelgen. Kishi Aqjar jerinde bilim alǵan. 1941 jyly 18 qazanda ás­kerge shaqyrylǵan. Altaı ar­tıl­lerııalyq ýchılıshesin bitirgen. So­ǵysqa 1942 jyldyń maýsymynan bastap qatysqan. Áýeli vzvod, keıin batareıa komandıri bolǵan. 1947 jyly ásker qatarynan oral­ǵan.

Erlikteri úshin «Qyzyl Tý», «I dárejeli Otan soǵysy», eki márte «Qyzyl Juldyz» ordenimen jáne «Erligi úshin» medalda­rymen marapattalǵan. 1945 jy­ly Máskeýde Jeńis paradyna qatysqan.

1947 jyly soǵystan oralǵan soń eńbekke aralasty. Maı aýdan­dyq komsomol komıteti­niń bi­rinshi hatshysy, partııa uıy­mynyń hatshysy, aýdandyq má­denıet bóliminiń bastyǵy qyz­metterin abyroımen atqardy. Keıinde, qurmetti demalysqa shyq­qansha Aqshıman jalpy orta bilim beretin mektebinde alǵashqy áskerı daıarlyq páninen muǵalim bolyp qyzmet etti.

1995 jyly Uly Otan soǵy­syndaǵy Jeńistiń 50 jyl me­re­kesine oraı Almatydaǵy Respýb­lıkalyq sherýge qatysty. 1996 jy­ly dúnıeden ótti. Bizdiń, jer­lesteriniń Shaı­ǵap­pas Egeý­baıulyna ózi jumys istegen Aq­shıman mektebine esi­mi berilse degen tilegimiz bar. Je­ńistiń 75 jyldyq mereıtoıy qarsańynda qaharman tulǵa­lar­dyn esimderi áspettelip, joǵary deńgeıde qurmet kórsetiler degen oıdamyn.

Berik ESKENDIROV

Pavlodar oblysy,

Maı aýdany,

Baskól aýyly