Qazaqstandyq tennısshi Tımofeı Skatov halyqaralyq ITF Romania F5 dodasynyń jeńimpazy atandy, dep habarlady Olympic.kz.
Rýmynııa astanasy Býharestte halyqaralyq jarys óz máresine jetti. Aqtyq fınalda qazaqstandyq tennısshi ıtalııalyq Franko Agamenonemen kezdesti. Ekeýara kezdesý 6:4, 6:4 esebimen aıaqtalyp, Skatov jeńiske jetti.
Aıta keterligi, bul jeńis – Skatovtyń eresekter arasyndaǵy ekinshi júldesi.
Sondaı-aq keshe áıelder tennıs qaýymdastyǵynyń (WTA) reıtıngisi jarııalandy. Jaqynda ǵana US Open týrnıriniń shırek fınalyna deıin jetken qazaqstandyq Iýlııa Pýtınseva 35-ten 30-orynǵa kóterildi. Elimizdiń birinshi raketkasy Elena Rybakına 17-den 18-ge, al Zarına Dıas 69-dan 72-satyǵa syrǵydy.