Atyraý polıseıleri 7-12 qyrkúıek aralyǵynda joǵalǵan 13 jasóspirimdi taýyp, úılerine qaıtardy, dep habarlaıdy Egemen.kz Polisia.kz-ke silteme jasap.
Bes kún ishinde habar-osharsyz ketken jasóspimder boıynsha Atyraý qalalyq polısııa basqarmasynyń "102" operatoryna 13 habarlama túsken. Taldaý kórsetkendeı, olardyń arasynda 3-8 jas aralyǵynda segiz bala (ata-ana qaraýynsyz qalǵandar), 8-14 jasqa deıingi joǵalǵan bes jasóspirim (ata-anasynyń baqylaýynsyz qalǵandar). Barlyq jaǵdaıda polıseıler balalardy 2-3 saǵat aralyǵynda taýyp alǵan.
Atalǵan oqıǵalardyń kópshiligi, balalardyń úı aýlalarynan shyǵyp ketýinen bolǵan. Ata-analarynyń habarlamasy boıynsha polısııa qyzmetkerleriniń jedel izdestirýlerimen joǵalyp ketken balalar aman-esen tabyldy. Solardyń ishinde Vokzal mańy 5 yqsham aýdanynda bes jasar bala ata-anasynyń qaramaýynyń saldarynan túski ýaqytta úıinen shyǵyp ketken. Kesh bolǵanda polısııa qymetkerlerine habarlama túsken, tártip saqshylarynyń izdeýimen bala tabylyp, ata-anasyna tabystaldy.
13 qyrkúıek kúni saǵat jetiler shamasynda Atyraý qalasy, Sh.Ýálıhanov kóshesi, 21 úıdiń aldynan alty jáne tórt jastaǵy eki jasóspirim úıleriniń aldynda oınap júrip, eresekter tarapynan qaraýsyz qalý saldarynan úılerinen adasyp qalǵan. Polısııa qyzmetkerlerimen tabylyp, ata-anasyna tapsyryldy. Polısııa qyzmetkerleri, osyndaı oqıǵalardyń aldyn alý maqsatynda, ata-analarǵa balalardy qaraýsyz qaldyrmaýdy eskertedi.