Qańtar aıynyń basynda Shymkent qalasyndaǵy Halyqqa qyzmet kórsetý ortalyǵy janynda órtke oranǵan jeńil kólik ishinde qaraýsyz qalǵan eki balany qutqaryp qalǵan kóksaraılyq jigit Amangeldi Sádibekov jóninde birqatar aqparat quraldary jarysa jazdy.
Qańtar aıynyń basynda Shymkent qalasyndaǵy Halyqqa qyzmet kórsetý ortalyǵy janynda órtke oranǵan jeńil kólik ishinde qaraýsyz qalǵan eki balany qutqaryp qalǵan kóksaraılyq jigit Amangeldi Sádibekov jóninde birqatar aqparat quraldary jarysa jazdy. Beıbit kúnniń batyry atanǵan osy jigittiń erligi ataýsyz qalǵandyqtan, senator Qýanysh Aıtahanov kózsiz erlik jasaǵan Amangeldini memlekettik nagradaǵa usyný jóninde tıisti mınıstrlikke hat joldap, yqpal etýin surady. Jaqynda Tótenshe jaǵdaılar mınıstrliginen qýanyshty habar jetti. OQO Tótenshe jaǵdaılar departamentiniń májilis zalynda marapattaý rásimine shaqyrǵan hat keldi. OQO Tótenshe jaǵdaılar departamentiniń bastyǵy, polkovnık Ýálıhan Erejepov «Amangeldi Buırabaıulynyń kórsetken erligi jastarymyzǵa úlgi bolýy kerek. Laýlap janyp jatqan jeńil kóliktiń ishine kirmek túgili, qorqyp, alystan baqylap turǵandar da boldy. Eki balanyń ómirin saqtap qalǵany úshin bizdiń mınıstrliktiń arnaıy buıryǵymen berilgen «Tótenshe jaǵdaıdaǵy erligi úshin» medalin tapsyrýǵa ruqsat etińizder», dep Amangeldiniń keýdesine tósbelgini taqty.
Tópen ÁMIRBEK.
Ońtústik Qazaqstan oblysy,
Otyrar aýdany.