Túrkistan oblysy Kentaý qalasynda byltyrdan bastap salynyp jatqan 60 páterli 10 turǵyn úıdiń qurylys-montaj jumystary aıaqtalýǵa taıaý. Baspana kiltteri múmkindigi shekteýli jandar, kópbalaly otbasylar men túrli sanattar boıynsha kezekte turǵan turǵyndarǵa jyl sońyna deıin qalanyń 65 jyldyq mereıtoıyna oraı tabystalatyn bolady.
«Jalpy sany 600 páteri bar úılerdiń aımaǵy 33240 sharshy metrdi quraıdy. Turǵyn úılerdiń aýlalary abattandyrylyp, balalar oıyn alańshalarymen turǵyndarǵa arnalǵan demalys oryndarymen qamtylatyn bolady», deıdi Kentaý qalalyq qurylys bóliminiń basshysy Erlan Aldybaev. Qalada sonymen qatar 5 qabatty 25 páterden turatyn 96 turǵyn úıdiń jobalaý smetalyq qujattamasy ázirlengen. Qurylys jumystary kelesi jyly bastalady. Jalpy aýmaǵy 151368 sharshy metrdi quraıtyn úıler 15 shaǵyn aýdanda boı kóteredi.