Parlament Májilisiniń depýtaty Asylbek Smaǵulov Ortalyq saılaý komıssııasynyń múshesi bolyp taǵaıyndaldy, dep habarlaıdy Egemen.kz.
Asylbek Smaǵulovtyń kandıdatýrasy búgin palatanyń jalpy otyrysynda usynyldy. Májilismender bul usynysty bir aýyzdan qoldady. Májilis Spıkeri Nurlan Nyǵmatýlın onyń jańa salada jemisti jumys atqararyna senim bildirip, sáttilik tiledi.
Asylbek Smaǵulov 1970 jyly Aqtóbe oblysy Yrǵyz aýdanynyń Nura sovhozynda dúnıege kelgen. Zań ǵylymdarynyń doktory, professor.
Eńbek jolyn 1987 jyly jumysshy bolyp bastaǵan. 1988-1990 jyldar aralyǵynda KSRO Qarýly kúshteri qatarynda azamattyq boryshyn ótegen. Quqyq qorǵaý organdaryndaǵy qyzmetin 1991 jyly Aqtóbe qalasy QIIB janyndaǵy PBQ JB mılısıoneri laýazymynan bastaǵan.
1991 - 1992 jj. – KSRO IIM Sverdlov joǵary mektebiniń tyńdaýshysy;
1992 - 1995 jj – QR IIM Qaraǵandy joǵary mektebiniń tyńdaýshysy, atalǵan mektepti úzdik bitirdi.
1995-2000 jyldar aralyǵynda Qazaqstan Respýblıkasy IIM Qaraǵandy joǵary mektebiniń oqytýshysy, adıýnkty, aǵa oqytýshysy bolǵan.
2000-2012 jyldar aralyǵynda Qazaqstan Respýblıkasy Qarjy polısııasynyń akademııasynda qylmystyq quqyq jáne krımınologııa kafedrasynyń dosenti, bastyǵy, Akademııa bastyǵynyń ǵylymı-zertteý jumysy jónindegi orynbasary, Akademııa bastyǵynyń oqý-ádistemelik jumysyn uıymdastyrý jónindegi orynbasary qyzmetterin atqarǵan.
2012 - 2016 jyldar aralyǵynda "Qazaqstan Respýblıkasynyń Zańnama ınstıtýty" MM dırektory qyzmetin atqarǵan.
2016 jylǵy 24 naýryz aıynan bastap "Nur Otan" partııasynan VI saılanǵan Qazaqstan Respýblıkasy Parlamenti Májilisiniń depýtaty bolyp saılandy. Búgingi kúni Qazaqstan Respýblıkasy Parlamenti Májilisiniń Zańnama jáne sot-quqyqtyq reforma komıtetiniń múshesi bolyp tabylady.
Qazaqstan Respýblıkasy Prezıdentiniń alǵys hatymen, Qazaqstan Respýblıkasy Bilim jáne ǵylym mınıstrliginiń, Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polısııasy) jáne Ádilet mınıstrliginiń qurmet gramotalarymen, sondaı-aq "Eren eńbegi úshin", "Quqyq tártibin qamtamasyz etýge qosqan úlesi úshin", "Ádilet organdary júıesin damytýǵa qosqan úlesi úshin", "MPA SNG. 25 let", "Qazaqstan Respýblıkasynyń Táýelsizdigine 25 jyl" medaldarymen marapattalǵan. О́zge de nagradalary bar.
Qazaqstan Respýblıkasy "Nur Otan" partııasy janyndaǵy Quqyqtyq keńestiń, Jýrnalıster odaǵynyń, Reseı Federasııasynyń Úkimeti janyndaǵy Zańnama jáne salystyrmaly quqyqtaný ınstıtýtynyń Sybaılas jemqorlyqqa qarsy is-qımyldy ǵylymı jáne oqý-ádistemelik jaǵynan qamtamasyz etýdi úılestirý jónindegi pánaralyq keńestiń múshesi bolyp tabylady. Birqatar basylymda jarııalanǵan 100-den astam ǵylymı eńbekterdiń, onyń ishinde 2 oqýlyqtyń (birlesken avtorlyqtaǵy), 10-nan astam oqý quraldary men monografııalardyń avtory.