Qurylys qarqynyn eskere otyryp, jaýyn-shashyn myna arnalǵan kárizderi men tazartý qondyrǵylaryn ýaqytynda salý qajet. Bul týraly elorda ákimi óziniń Instagram-daǵy paraqshasynda jazdy, dep habarlaıdy Egemen.kz
Nur-Sultan qalasynyń ákimi Altaı Kólginov aldaǵy atqarylatyn jumystardyń tizbesin atap ótti:
Birinshi. B.Momyshuly dańǵylyndaǵy problemalyq ýchaskesinde ornalasqan jaýyn-shashyn sý káriziniń magıstraldy kollektorynyń qurylysyn aıaqtaımyz. Bul jaýyn-shashyn sý káriziniń uzyndyǵy – 500 metr, Daýylpaz kóshesinen Elim-aı kóshesine deıin jalǵasady (B.Momyshuly dańǵylynan ótedi). Jańa qurylys qazirgi jaýyn-shashyn sý kárizi jelileriniń sý ótkizý múmkindigin bir jarym ese arttyrady.
Ekinshi. Buǵan qosa "Molodıojnyı" shaǵyn aýdanynda (Táshenev pen Amman kósheleriniń qıylysy) tazartý qondyrǵylaryn salyp jatyrmyz. Ol jerde kollektorlardy da tolyq qalpyna keltiremiz. Buryn bul jer batpaqty bolǵan.
Bul qondyrǵylardyń aıyrmashylyǵyna kelsek, olar jańbyr jáne qar sýyn Esil ózenine jibermes buryn tazartýǵa múmkindik beredi. Buryn sý aǵyny tikeleı ózenge aǵatyndyqtan, ózendi lastap, qala ekologııasyna zııan tıgizetin. Bul qurylysty 2021 jyly aıaqtaýdy josparlap otyrmyz. Biraq birinshi kezeń – sý tazartýdy bıyl kúzde iske qosamyz.
"Molodıojnyı" shaǵyn aýdanyndaǵy jańa qondyrǵylardyń qýaty táýligine 42 myń tekshe metr. Bul tazartý qondyrǵylary Táshenev, Baraev, Ýálıhanov, Imanbaev kósheleri men Respýblıka dańǵylyn sý basýyna jol bermeıdi. Sebebi tazartý qondyrǵysy jer astynda salynyp, onyń ústinen abattandyrylǵan, kógaldandyrylǵan skver salynady.
Úshinshi. Bıylǵy jyldyń sońyna deıin Telman turǵyn alabynda tazartý qondyrǵylary men magıstraldy kollektor qurylysy boıynsha jumysty aıaqtaımyz. Onyń qýaty táýligine 36 myń tekshe metrdi quraıdy. Jobany júzege asyrý jer betindegi sýaǵarlardyń burylýyn qamtamasyz etýge múmkindik beredi. Ol Telman turǵyn alaby men № 27 kóshesiniń boıyn qamtıdy.
Tórtinshi. Bıyl Prıgorodnyı turǵyn alaby men Alash tas joly boıyndaǵy logıstıka ortalyǵy aýdanynda tazartý qondyrǵylaryn saldyq.