Parıjdiń "Parı Sen-Jermen" klýbynyń shabýylshysy Kılıan Mbappe kelesi jyly fransýz klýbynan ketýi múmkin, dep habarlaıdy Egemen.kz sports.ru saıtyna silteme jasap.
Mbappe "PSJ" basshylyǵyna kelesi jazda klýbtan ketkisi keletini jaıynda habarlaǵan. Atalǵan klýb fýtbolshynyń transferinen 325 mıllıon eýro paıda kórmek. Alaıda bul eń myqty fýtbol klýbtary úshin de tym úlken somma bolyp otyr.
Aıta keteıik, 2022 jyly Mbappe múlde erkin agent retinde kete alady. Madrıdtik "Real" ol úshin 100 mıllıon eýro ǵana berýge daıyn.
Qazirgi kezde ol álemdegi eń qundy fýtbolshylar kóshin bastap tur. Jyl basynda CIES Football Observatory zertteý ortalyǵy álemdegi eń qymbat fýtbolshylardyń jańartylǵan reıtıngin jarııalaǵan bolatyn. Onda K.Mbappe 265,2 mıllıon eýroǵa baǵalanyp, tizimde birinshi bolǵan edi. Al Transfermarkt fýtbolshynyń qazirgi qunyn 180 mıllıon eýro dep otyr.
21 jastaǵy oıynshy "PSJ" sapynda 2017 jyldan beri oınap keledi. Ol "Monako" komandasynan 180 mıllıon eýroǵa aýysqan.