Bıylǵy qańtar-shilde aılarynda respýblıkada munaı ónimderiniń jalpy óndirisi 10,2 mln tonnany qurady, bul ótken jylmen salystyrǵanda 9% az, dep habarlaıdy Egemen.kz energyprom.kz saıtyna silteme jasap.
Degenmen benzın óndirisi jyl basynan beri 2,9 mln tonnany qurap, bir jyl ishinde 3,3% artty.
Tamyz aıynda benzın baǵasy ótken jyldyń tamyzymen salystyrǵanda 2,4% qymbattady. Baǵanyń edáýir qymbattaýy Jambyl (5,7%) jáne Almaty (4,3%) oblystarynda, sondaı-aq Almaty qalasynda (4,2%) tirkeldi. AI-98 markaly benzın bir jyl ishinde 2,6%, tanymal AI-92 benzıni 2,5%, AI-95/96 markaly benzın 1,2% qymbattady. Dızel, kerisinshe, sál arzandady – 1,2%.