QR BǴM Ǵylym komıtetiniń Bıologııalyq qaýipsizdik problemalary ǵylymı-zertteý ınstıtýtynda ázirlengen koronavırýs ınfeksııasyna qarsy QazCovid-in vaksınasyn klınıkalyq zertteý bastaldy, dep habarlaıdy Egemen.kz mınıstrliktiń baspasóz qyzmetine silteme jasap.
Vaksınany klınıkalyq zertteý 18-50 jas aralyǵyndaǵy deni saý eresek eriktiler arasynda júrgiziledi. Vaksınanyń qaýipsizdigin anyqtaýǵa baǵyttalǵan zertteýdiń I fazasyna koronavırýspen aýyrmaǵan jáne antıdeneleri joq 44 erikti qatysady. Immýnogendilikti zertteýge baǵyttalǵan ekinshi fazada 200 eriktiniń qatysýy josparlanyp otyr. BQPǴZI-ǵa klınıkalyq zertteýlerge qatysýǵa nıet bildirgen eriktilerden 688 ótinish kelip túsken. Bilim jáne ǵylym vıse-mınıstri Mıras Dáýlenov cenim bildirgenderge alǵys aıtty.Klınıkalyq zertteýler QR Densaýlyq saqtaý mınıstrliginiń "Ulttyq ftızıopýlmonologııa ǵylymı ortalyǵy" RMK jáne "Sentre for Clinical Medicine and Research" JShS-de ótedi.