Densaýlyq saqtaý mınıstrligi koronavırýsqa qatysty sońǵy derektermen bólisti. Qazir elimizde indet juqtyrǵan 3 835 adam em qabyldaýdy jalǵastyrýda, dep habarlaıdy Egemen.kz atalǵan mınıstrlikke silteme jasap.
"Qazirgi ýaqytta koronavırýstyq ınfeksııadan 3 835 adam em qabyldaýdy jalǵastyrýda. Olardyń arasynda 40 óskinshek bala bar. Stasıonarlarda 1 967 naýqas jatyr. 1 868 adam ambýlatorııalyq jaǵdaıda emdelýde. Jalpy naýqastardyń arasynda 100 adamnyń ahýaly nashar. Sonyń ishinde 13 naýqastyń ahýaly asa qatty aýyr dep baǵalanýda. 15 naýqas ókpeni jasandy jeldetý apparatynda jatyr", delingen habarlamada.
Eske sala keteıik, ótken táýlikte Qazaqstanda 78 adamnan koronavırýs anyqtaldy, 155 adam emdelip shyqty.Aıta keteıik, elimizde indet juqtyrǵandar sany 107134-ke jetti, 101610 naýqas jazylyp shyqty, 1671 adam qaıtys boldy.