Pandemııa, koronavırýs, karantın halyqtyń qazirgi ómirine birshama ózgerister engizdi. Bastapqyda COVID-19 tek densaýlyq saqtaý júıesine áser etkenimen, qazir ol elimizdiń barlyq aımaqtaryna keńinen taraldy.
Bul ásirese bilimge, adamı kapıtal sapasyna jáne eldiń áleýmettik-ekonomıkalyq damýyna teris áserin tıgizýde. Osy turǵyda sarapshylar bul indetti óskeleń urpaqtyń bolashaǵyna qaýip tóndiredi dep sanaıdy. Olar mektep oqýshylary arasynda ǵana emes, stýdentter arasynda da fýnksıonaldyq saýatsyzdyq deńgeıiniń joǵarylaýy múmkin dep boljaıdy.
Memleket basshysy Q.Q.Toqaevtyń Qazaqstan halqyna Joldaýynda joǵary bilim berýdiń sapasyn atap ótip, Úkimet basshysyna bizge jańa kózqaras pen jańa tásilder kerektigin aıtyp, halyqaralyq tájirıbege súıenip, máseleni erekshe baqylaýǵa alýdy tapsyrdy.
Búgingi tańda qazaqstandyq bilim berý salasynyń qarqyn ala bastaǵanyn shet eldegi stýdentterdiń bizdiń elge kelip oqyǵanynan baıqaýǵa bolady.
Osy rette Abaı atyndaǵy Qazaq ulttyq pedagogıkalyq ýnıversıtetiniń rektory Takır Balyqbaev óz Qazaqstan oqyp jatqan stýdentter jaıly oıyn alǵa tarta kelip:
– Bizde «Sorbonna ınstıtýty - Qazaqstan» atty qyzyqty joba bar, ony 2014 jyly Nursultan Nazarbaev pen Fransýa Olland qurdy. Bul fransýz tilinde bilim berýdi qamtıtyn eki dıplomdy oqý baǵdarlamasy. Biz birneshe baǵdarlamalar jasadyq jáne 2018 jyly alǵashqy stýdentter Kongodan, sodan keıin Madagaskardan keldi. Bul stýdentterdiń bizge qalaı kelgeni men úshin tańqalarlyq boldy. Taldaý jasaǵan keıin olardyń bizge elimizge fransýz tilin úırený úshin kelgenin túsindim. Bizde oqytýdyń aralas túri bar - bir bóligi orys tilinde, bir bóligi fransýz tilinde. Olar Qazaqstanǵa kelip til úırendi. Biz taldaýǵa tereń boılap, bizdiń ýnıversıtet frankofonııa elderi úshin qyzyǵýshylyq týdyrýy múmkin ekenin túsindik. Fransııamen salystyrǵanda bizde qoljetimdi bilim men jataqhanada turýǵa jaǵdaı jasalǵan. bar. Ekinshi jaǵynan, stýdentter qos dıplom alady. Qazir bizde Marokko, Kongo, Týnıs, Madagaskardan stýdentter bar. Men bul stýdentterdiń keıbiri fransýz tilinen sabaq berip, qarajat taýyp júrgenderin kórdim, - deıdi.
Koronavırýstyq pandemııaǵa baılanysty álemdegi mektep oqýshylary men stýdentterdiń basym kópshiligi qashyqtyqtan oqytýǵa kóshti. Bul oqý mazmunyn túbegeıli ózgertti.
– Qashyqtyqtan bilim berý jaǵdaıynda bilim berý úderisi bilim alýshynyń jeke basyna, maqsat-múddelerine, bilim deńgeılerine, daǵdylary men qabiletterine baǵyttylyǵy týraly kóp aıtylady. Álemdegi kóptegen ýnıversıtetter buny mańyzdy mindetterdiń qataryna qosty. Osyǵan sáıkes, sapany qamtamasyz etý júıesinde ýnıversıtet bul baǵytty qoldaıdy jáne stýdentterge baǵdarlanýdy mańyzdy qundylyqtardyń biri retinde qaraıdy. Stýdentterdi tárbıeleý, oqytý jáne kez-kelgen basqa baılanysty saqtaý prınsıpi oqýshymen jumys jasaýda basty ustanym bolýy kerek, - deıdi QazUPÝ qyzmetkerleri.