Dene shynyqtyrý máseleleriniń keshendi sheshimi

Memorandým arnaıy medı­sınalyq toptar úshin dene shy­nyqtyrý máseleleri jónindegi baǵdarlamalardy ázirleý jáne engizý, emdik jáne beıimdik dene shynyqtyrýdy júrgizý, beıimdik dene shynyqtyrý boıynsha muǵalimderdiń biliktiligin arttyrý kýrstaryn ótkizý boıynsha is-sharalardy júzege asyrý úshin negiz bolady.

Memorandým aıasynda «Ult­tyq ǵylymı-praktıkalyq dene tárbıesi ortalyǵynyń» bas dı­rektory Tastanbek Qut­januly Astana medısına ýnıver­sı­tetiniń rektory, professor Daı­nıýs Pavalkıspen kezdesti.

«Memorandým sheńberinde bizdiń ortalyqtyń jáne ýnı­versıtettiń profılaktıkalyq medısına jáne nýtrısıologııa kafedrasynyń, sporttyq medısına, reabılıtologııa jáne dene shynyqtyrý kafedrasynyń qyzmetkerleri birlesip baǵdar­lamalardy ázirleıdi, baspa jáne elektrondyq basylymdardy, oqý-ádistemelik quraldardy da­ıyn­daıdy, ǵylymı-praktıkalyq konferensııalar men taqyryptyq is-sharalar uıymdastyrady dep josparlanyp otyr», dedi T.Esentaev.

Aıta keteıik, arnaıy medı­sınalyq toptaǵy dene shynyq­tyrý máseleleri boıynsha Ult­tyq ǵylymı-praktıkalyq dene tárbıesi ortalyǵy buǵan deıin de Qaraǵandy medısınalyq ýnı­versıtetimen memorandýmǵa otyrǵan bolatyn.

Dene tárbıesi memlekettik jalpyǵa mindetti bilim berý stan­­darttaryna jáne úlgilik (ju­­­mys) oqý josparlaryna sáı­kes bilim berý uıymdarynda sa­baq jáne sabaqtan tys ýaqyt­ta júzege asyrylady. Al den­saýlyǵy nashar bilim alý­shy­lar men tárbıelenýshiler ar­naıy medısınalyq toptar men emdik dene shynyqtyrý topta­rynda aınalysady. Dene múmkin­dikteri shekteýli bilim alýshylar men tárbıelenýshiler beıimdik dene shynyqtyrý men sport qu­ral­daryn paıdalana otyryp aınalysady.

Osyǵan oraı, bul qujat­tar mektepterde arnaıy medı­sı­nalyq toptar úshin dene shy­nyq­­tyrý baǵdarlamalaryn ázir­­leýge jáne engizýge, sonymen qa­tar adaptıvti dene shy­nyq­ty­rýdy damytýǵa, adaptıvti dene shy­nyqtyrý boıynsha muǵa­lim­der­diń biliktiligin arttyrý kýrs­ta­ryn ótkizýge múmkindik beredi dep kútilýde.