Qazaqstandyq tennısshi Iýlııa Pýtınseva Rımde (Italııa) ótip jatqan WTA sanatyndaǵy halyqaralyq týrnırdiń alǵashqy kezeńinde sátti óner kórsetkenimen, shırek fınalda joly bolmady.
Jarystyń ¼ kezeńinde jerlesimiz qazirgi tańda álemdik reıtıngte ekinshi orynda turǵan áıgili rýmynııalyq tennısshi Sımnoı Haleppen kezdesti. Alǵashqy kezeńde Pýtınseva 6:2 esebimen qarsylasyna ese jiberse, ekinshi sette de 2:0 esep aıyrmasymen jeńilip jatqan edi.
Jeńisti julyp alý úshin baryn salǵan otandasymyz abaısyzda jaraqat alyp, oıyndy jalǵastyra almaı jarystan shyǵýǵa májbúr boldy. Eki tennısshi kortta 48 mınýt sheberlik baıqasty. Osylaısha, Iýlııa Halepten ekinshi márte jeńilip otyr. Buǵan deıin de ekeýi bir márte kortta jolyǵyp, báseke rýmynııalyqtyń jeńisimen aıaqtalǵan-dy.
Eske sala keteıik, osy jarystyń shırek fınal básekesi úshin ótken kezdesýde Pýtınseva Qazaqstannyń birinshi raketkasy Elena Rybakınany jeńgen edi.