Sybaılas jemqorlyqqa qarsy is-qımyl departamenti alǵash ret osyndaı eksperımentti qolǵa aldy, dep habarlaıdy Egemen.kz.
"Sharanyń maqsaty – turǵyndardyń sybaılas jemqorlyq faktilerine degen kózqarasyn anyqtaý. Biz turǵyndar arasynda sybaılas jemqorlyqqa qarsy nóldik tózimdilik pen ımmýnıtetti qalyptastyryp, paraqorlyqtyń zııany men saldaryn túsindirgimiz keledi. Áleýmettik eksperıment qorytyndysymen turǵyndardyń sybaılas jemqorlyq kórinisterine kózqarasyna monıtorıng júrgizemiz. Bul – teatrlandyrylǵan qoıylym túrindegi alǵashqy áleýmettik eksperıment" dedi Atyraý oblysy boıynsha sybaılas jemqorlyqqa qarsy is-qımyl departamenti basshysynyń birinshi orynbasary Aıdos Mamyt.