SQO-daǵy Beskól qus fabrıkasynda bir táýlikte taýyqtardyń jartysynan kóbi qus tumaýynan qyrylyp qaldy, dep habarlaıdy Egemen.kz Petropavlovsk.news basylymyna silteme jasap.
Fabrıka mamandary jaqyn arada kásiporynda taǵy osyndaı jaǵdaı bolady dep otyr. Qustyń jappaı qyrylýynan fabrıka qyzmetkerleri jumyssyz jáne tabyssyz qalýy múmkin.
"Búginde mekıen taýyqtardyń jartysynan azy qaldy. Keshe keshke 180 myńnan asa qus qyryldy, bugin taǵy 30-40 myńǵa jetetin shyǵar. Analyq qazdan tipti qalmady deýge bolady. Birneshe táýlikte ondaǵan myń qus qyryldy. Qaldyqty ózimiz joıyp jatyrmyz: jer qazamyz, jaǵamyz, indet taralmaýy úshin ony balshyqpen jabamyz", dedi Beskól qus fabrıkasynyń tehnology Tatıana Kostenko kásiporynǵa aýyl sharýashylyǵy vıse-mınıstri Gúlmıra Isaeva arnaıy saparmen kelgen kezde.
Kostenkonyń aıtýynsha, qus tumaýyna qarsy jappaı vaksına jasatýǵa fabrıka qarjylaı daıyn bolmaǵan: qyrkúıektiń basynda bar bolǵany 15 myń analyq qazǵa vaksına salynǵan
"Soltústik Qazaqstanmen shekaradaǵy terrıtorııada epıdemııa júrip jatqanyn estigende qalǵan vaksınany analyq úırekterge salamyz dep sheshtik. Sebebi mekıen taýyqtarǵa jetpeıtin edi. Búginde tek úırekter bar. Olar aman qalady dep úmittenemiz", dep túsindirdi tehnolog.
Ol qus tumaýyna qarsy myń doza vaksına orta eseppen 50 myń teńge bolatynyn aıtty. Qus fabrıkalary sýbsıdııa almaıtyn bolǵandyqtan, kásiporynnyń mundaı qymbat vaksına alýǵa qosymsha aqshasy bolmaǵan.
"Kóktemde ne bolatynyn oılaýdyń ózi qorqynyshty, adamdar qussyz qalady. Qansha taýyq qalsa da, joıý kerek bolady, sebebi olar qus tumaýyn tasymaldaıdy. Múmkin aımaqta qus fabrıkalarynyń jumysy toqtap qalar. Úlken tragedııa kelgenin túsinip otyrmyz: qus fabrıkasynda 170 adam jumys isteıdi, ıaǵnı 170 otbasy qys aldynda tabyssyz qalýy múmkin", dedi Tatıana Kostenko.
Buǵan deıin SQO-da qus tumaýynan qustardyń jappaı qyrylyp jatqandyǵy týraly aıtylǵan.