Almaty oblysynyń Jarkent qalasyndaǵy aýrýhanaǵa ottegi stansasy ornatylady, dep habarlaıdy Egemen.kz
"Jalpy quny 76 mln teńgeni quraıtyn joba qazan aıynda iske qosylmaq. Qazir stansany ornatý jumystary bastaldy. 320 orynǵa arnalǵan ortalyq aýrýhana janynan ashylatyn ottegi stansasynan bir mezette 50 núkteden ottegi toltyrylady", dep habarlaıdy Panfılov aýdany ákiminiń baspasóz qyzmeti.
"Almatydan aýyr ballondardy tasıtynbyz. Endi bul másele de sheshildi. Budan bólek osy pandemııa kezinde bizdiń ortalyq aýrýhanaǵa kásipkerler men qaıyrymdy azamattar onnan astam ottegi konsentratyn, basqa da qajetti medısınalyq jabdyqtardy tartý etti. Memleket tarapynan da qajetti kómek kórsetilýde. Biz indettiń yqtımal ekinshi tolqyna tolyqtaı daıyn", deıdi bas dáriger.
Ortalyq aýrýhananyń bas dárigeri Tóleý Sarpekovtyń aıtýynsha, stansııa saǵatyna 50 metr kýbqa deıin ottegi quıady. Sondaı-aq 120 naýqasqa bir ýaqytta qajetti ottegi beriledi.
Pandemııa bastalǵaly Panfılov aýdanynda 139 adam indetke shaldyqqan. Qazir atalǵan adamdar tolyqtaı jazylyp, óńirde sanıtarlyq saqtandyrý jumystary júrgizilip jatyr.