Burynǵy QR Densaýlyq saqtaý vıse-mınıstri Oljas Ábishevke qatysty tergeý jalǵasyp jatyr. Bul týraly QR QM Qarjy monıtorıngi komıtetiniń tóraǵasy Janat Elımanov aıtty, dep habarlaıdy Egemen.kz.
"Aqparattyq júıe qurý úshin bólingen 500 mln teńgeden astam qarajatty talan-tarajǵa salý kúdigine ilingen burynǵy Densaýlyq saqtaý vıse-mınıstri Oljas Ábishevke qatysty tergeý jalǵasyp jatyr. Sot sanksııasymen ol tutqynǵa alyndy, tergeý jalǵasyp jatyr", dedi ol Ortalyq kommýnıkasııalar qyzmetindegi baspasóz máslıhaty barysynda.
Eske sala ketsek, budan buryn Qazaqstan Respýblıkasy Qarjy mınıstrliginiń Qarjy monıtorıngi komıteti Densaýlyq saqtaý vıse-mınıstri Oljas Ábishevtiń qamaýǵa alynǵanyn rastaǵan bolatyn. Ol bıýdjet qarajatyn jymqyrdy degen kúdikke ilindi.
Sonymen qatar, QR Densaýlyq saqtaý mınıstri Alekseı Soı vedomstvonyń vıse-mınıstri Oljas Ábishevtiń qamaýǵa alynýyna qatysty pikir bildirdi. Aıta ketsek, Oljas Ábishev 2018 jyly Densaýlyq saqtaý vıse-mınıstri bolyp taǵaıyndalǵan.