Qus tumaýy órship turǵan aýdandarda adamdardyń juqtyrý jaǵdaıy tirkelmegen. Bul týraly QR Densaýlyq saqtaý mınıstrligi Taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasy Tımýr Sultanǵazıev málimdedi, dep habarlaıdy Egemen.kz.
Brıfıng Soltústik Qazaqstan oblysyndaǵy qazirgi epızootııalyq jaǵdaıdy talqylaýǵa arnaldy.
"Birden aıta keteıin: vırýs adamnan adamǵa taramaıdy. Aýrý juqtyrǵan qustardan adamdardyń qus tumaýyn juqtyrý jaǵdaıy óte sırek kezdesedi. Qus etinen nemese jumyrtqasynan adamǵa vırýs juqqan jaǵdaı múlde tirkelmegen. Osylaısha búgingi kúni qus tumaýyn juqtyrǵan azamattardyń elde tirkelmegenin aıtýǵa bolady", dedi ol.
Qus fabrıkalarynyń barlyq qyzmetkerleri qazirgi tańda medısınalyq baqylaýda.Sonymen qatar, T.Sultanǵazıev bul jaǵdaı koronavırýstyq pandemııamen baılanysty emes ekenin atap ótti.