Sheteldikterdiń Qazaqstanda turý merzimi uzartyldy. Bul týraly IIM resmı ókili Nurdilda Oraz Ishki ister mınıstrligi uıymdastyrǵan onlaın brıfıngte aıtty, dep habarlaıdy Egemen.kz.
"Qazaqstan Úkimeti álemdik pandemııaǵa baılanysty elden shyǵyp úlgermegen sheteldik azamattarǵa ruqsat merzimin 1 qarashaǵa deıin sozý týraly sheshim qabyldady. 2020 jyldyń 16 naýryzy men 1 qarashasy aralyǵynda merzimi ótip ketken qujattar ǵana qabyldanady. Sonymen birge, elimizge vızasyz kelip, qaıta eline oralyp úlgermegen sheteldikter úshin 1 qarashaǵa deıin turýǵa ruqsat beriledi. Eń mańyzdysy – 1 qarashaǵa deıin elde qalý merzimin buzyp, kete almaı qalǵany úshin sheteldikterdi jáne olardy qarsy alǵan azamattar da ákimshilik jaýapkershilikke tartylmaıdy", dedi Nurdildá Oraz.
Sondaı-aq, Nurdilda Oraz qarjy pıramıdalaryna qatysty qylmys týraly aıtyp berdi.
"Ishki ister mınıstrliginiń tergeý departamenti 2016-2017 jyldar aralyǵynda "Questra Holding", "Questra World", "Atlantic Global Asset Management", "Five Winds Asset Managent" degen ataýlarmen qarjy pıramıda qurǵan birqatar elimizdiń jáne basqa da memleketterdiń azamattaryna qatysty tergeýdi bastady. Olardyń áreketinen myńdaǵan qazaqstandyq japa shekken. Qarapaıym azamattar bas-aıaǵy 1 mlrd-tan astam qarjyǵa aldanǵanyn aıtyp otyr", dedi ol.