Bıylǵy qaıyrymdylyq marafony ádettegiden ózgeshe bolǵaly otyr. Alǵash onlaın formatta ótetin marafonnyń jeńimpazy anyqtalmaıdy, dep habarlaıdy Egemen.kz.
Oblystyq dene shynyqtyrý jáne sport basqarmasynyń basshysy Rınat Ibragımovtyń aıtýyna qaraǵanda, marafondy 22 qyrkúıek pen 31 qazan aralyǵynda onlaın túrde ótkizý josparlanypty. "INFINITY FITNESS" klýbynda tirkelgen ár qatysýshyǵa jeke rettik nómeri beriledi. Qatysýshy ózi qalaǵan jerde kórsetilgen kúnder aralyǵynda júgirip, belgilengen qashyqtyqty baǵyndyrǵan nátıjesin uıymdastyrýshylarǵa jiberýi tıis. Eresekter marafonǵa qatysý úshin 1000 teńge tóleıdi. Al, balalar tegin qatysady.
"Bıyl ádettegideı aýqymdy shara ótkizýdiń reti bolmaı otyr. Sol sebepten, marafon tek onlaın formatta ótedi. Bul marafonda jeńimpazdar anyqtalmaıdy. Basty maqsat – jarys emes, eń aldymen karantın kezinde turǵyndardyń sportqa degen qyzyǵýshylyǵyn arttyrý. Marafon jas ereksheligine baılanysty túrli qashyqtyqtarda ótedi. Máselen, 10-15 jas aralyǵyndaǵy balalar arasynda 1,2 (3 aınalym), 16 jastan joǵary jasóspirimder úshin 3 km (8 aınalym). Balalarǵa qatysý tegin. Alǵashqy tirkelgen 10-15 jas aralyǵyndaǵy 450 balaǵa, 16 jastan joǵary 700 jasóspirimge estelik medaldar beriledi. Al, eresekter arasynda onlaın júgirýdi aptanyń kez-kelgen kúninde qatysýshylardyń qalaýy boıynsha 10, 21 jáne 42 km qashyqtyqta ótkizý josparlanýda", deıdi Rınat Ibragımov.
Qaıyrymdylyq marafonynan jınalǵan qarajatty "Atyraý – shaǵyn memleket" qoǵamdyq birlestigine tabystaý kózdelip otyr.