Bul kúnderi Fransııanyń Strasbýrg qalasynda tennısten áıelder arasyndaǵy halyqaralyq týrnır bastaldy. Júlde qory 225 500 eýrony quraıtyn básekege qazaqstandyq sportshylar da qatysyp jatyr.
Týrnırdiń birinshi aınalymynda álemdik reıtıngte 66-orynda turǵan qazaqstandyq Zarına Dıas reıtıngte 90-satyǵa jaıǵasqan amerıkalyq Krıstına Makheılmen oınaıdy. Eki tennısshi búginge deıin úsh márte baq synap, ekeýinde Makheıl, bir matchta Dıas jeńiske jetken. Eger osy básekede otandasymyz jeńiske jeter bolsa, jeke kezdesý boıynsha esep teńesedi.
Al elimizdiń birinshi, álemniń 18-raketkasy Elena Rybakına belgııalyq Grete Mınnenmen (106) kezdesedi. Eki tennısshiniń joly osymen ekinshi ret túıisip otyr. Buǵan deıin Rybakına men Mınnen jyl basynda Aýstralııa ashyq chempıonatynda kezdesken. Eki setke sozylǵan básekede otandasymyz 6:3, 6:4 esebimen basym túsken edi. Aıta ketelik, jarysqa jalpy esebi 32 sportshy qatysýda.